افغانستان ده اۉتگن آی ده ۳۸۳ کیشی تنفسی کسللیک باعث وفات ایتگن
خلق‌ارا ساغلیق‌نی سقلش تشکیلاتی اۉز گزارشی ده اوشبو ییل جنوری آی نینگ سۉنگی ایکّی هفته‌سیده افغانستانده حاد تنفسی کسلی گه چلینگنلر سانی آشکنیدن خبر بیرگن.
خلق‌ارا ساغلیق‌نی سقلش تشکیلاتی نینگ ۱۵ دلو، یک‌شنبه کونی ترقه‌لگن گزارشی ده کیلیشیچه، اوشبو مدت اېچیده افغانستانده ۸۴ مینگ حاد تنفسی کسللیک واقعه‌سی قید ایتیلگن.
بو تشکیلات نینگ معلومات‌لری اساسیده، بیر جنوری دن اوشبو آی نینگ ۲۷ گه قدر افغانستانده ۱۶۰ مینگ ۷۵۶ حاد کسللیگی واقعه‌سی ثبت بولگن اولر ارا مملکت نینگ ۳۴ ولایتیده ۳۸۳ کیشی اوشبو کسللیک باعث وفات ایتگن.
خلق‌ارا ساغلیق‌نی سقلش تشکیلاتی نینگ کوپه‌یتیریشیچه، بو کسللیک نینگ ثبت بولگن واقعه‌لری ۲۰۲۰ دن ۲۰۲۲ ییللر گه نسبتن آشگن.
مذکور تشکیلات گه کوره، اوشبو کسللیکّه چلینگنلر نینگ ۶۲.۹ فایزی بیش یاشنی تولدیرمه‌گن باله‌لر دیر و توپلم روشده ۴۹.۳ فایزینی خاتین قیزلر تشکیل بیره‌دی.
خلق‌ارا ساغلیق‌نی سقلش تشکیلاتی نینگ معلوماتی اساسیده، ۲۰۲۳ییل ده افغانستانده بیر میلیون ۳۸۴ دن آرتیق کیشی حاد کسللیگیگه چلینگن و اولر نینگ ۶۱.۵ فایزینی بیش یاشنی تولدیرمه‌گن باله‌لر تشکیل بیره‌دی.
بونگه قۉشیمچه، اوشبو ییل ده افغانستان بویلب ایکّی مینگ ۷۹۸ کیشی حاد کسللیگی طفیلی وفات ایتگن.
ایتیش کېره‌ک خلق‌ارا ساغلیق‌نی سقلش تشکیلاتی نیچه کون آلدین افغانستان‌لیک ۹.۵ میلیون کیشی طبی امکانیت‌لردن فایده‌لنه آلمه‌یدیگن منطقه‌لر ده یششینی ایتگن.
