8صبح، کابل: شرکت برقرسانی افغانستان (برشنا) زیر مدیریت طالبان از تمدید قرارداد برق در سال ۲۰۲۴ میان این شرکت و تاجیکستان خبر داده است.
شرکت برقرسانی افغانستان روز چهارشنبه، ۶ جدی، در صفحه ایکس نوشته که این قرارداد میان محمدحنیف حمزه، رییس عمومی اجراییوی شرکت برشنا و رییس شرکت سهامی برق تاجیکستان در ترکیه امضا شده است.
بربنیاد خبرنامه، طالبان خواستار همکاری تاجیکستان با افغانستان در راستای آغاز دوباره، هماهنگی و تطبیق پروژه کاسا یکهزار نیز شده است.
به گفته طالبان، دو طرف در جریان این دیدار درباره انتقال لین ۵۰۰ کیلوولت برق از تاجیکستان به افغانستان نیز گفتوگو کردند و در این زمینه تاجیکستان تمایل نشان داده است.
این در حالی است که با فرارسیدن فصل سرما شهروندان کشور از پرچاوی بیش از حد برق شکایت دارند.
افغانستان بخش عمده برق مورد نیاز خود را از کشورهای همسایه ایران، اوزبیکستان و ترکمنستان تامین میکند.