جشنواره توت شمالی در کاپیسا برگزار شد
۸صبح، کاپیسا: شماری از شاعران، نویسنده‌گان و فرهنگیان در کاپیسا، جشنواره توت را در این ولایت برگزار کردند.
این جشنواره روز پنج‌شنبه، ۱۸ جوزا، در حصه‌دوم کوهستان برگزار شده بود.
محمد اکرم خاموش، رییس انجمن شاعران و نویسنده‌گان کاپیسا گفت که از این جشنواره با خوانش شعر گرامی‌داشت به عمل آمد.
به گفته او، در این جشنواره ده‌ها از تن شاعران، فرهنگیان و خبرنگاران ولایت‌های کابل، پروان و کاپیسا اشتراک کرده بودند.
در همین حال، شماری از اشتراک‌کننده‌گان در این جشنواره گفته‌اند که برگزاری این جشنواره‌ها می‌تواند در همدیگر پذیری شهروندان کشور و تحکیم وحدت میان اقوام افغانستان اثرگذار باشد.
«جشنواره توت‌شمالی» در ولایت کاپیسا، همانند میله‌های گل‌سرخ در مزار، گل نارنج در ننگرهار، گل ارغوان در پروان و برخی دیگر میله‌های عنعنوی مردم افغانستان، در سال‌های اخیر در این ولایت برگزار می‌شود.
