حزب‌الله لبنان نینگ پهپادی و راکته هجوملریده اسراییل نینگ ۱۴ عسکری یره‌لندی
حزب‌الله لبنان گه کوره، اسراییل اردوسی نینگ هجومی که بیر قطار اعضالری نینگ اۉلیب و یره‌لنیشیگه سبب بولدی، جواب قیتیریش اوچون اوشبو مملکت شمالیده اسراییل بیر قرارگاه‌سیگه راکته و پهپادی هجوم اۉیوشتیرگنینی بیلدیرگن.
رویترز نینگ گزارشی اساسیده، حزب‌الله لبنان ۱۷ اپریل، چهارشنبه کونی اوشبو هجوم عاقبتیده اسراییل نینگ ۱۴ عسکری یره‌لنگنینی معلوم قیلگن.
اسراییل اردوسی بو هجوم طفیلی یره‌لنگن آلتی کیشی نینگ احوالینی آغیر دیگن.
اسراییل اردوسی راکته آتیلگن مکان نی نشانگه آلگنلر.
اسراییل یېتکرمه‌لری نینگ معلوماتی اساسیده، مذکور مملکت عسکرلری عرب العرامشه قیشلاغیده نشانگه آلینگنلر.
بو واقعه دن بیر کون آلدین، اسراییل لبنان جنوبی گه هجوم اۉیوشتیریب اوچ کیشی جمله دن حزب‌الله نینگ میدانی قوماندان‌لریدن بیری نینگ اۉلیمی گه سبب بولدی.
اسراییل کوچلری و حزب‌الله شبه‌نظامی گروهی آلتی آی دن کوپراق ده غزه اوروشی اوچون هر کونی بیر-بیری گه قرشی آتیشه‌دی، بو آتیشمه‌لر ۲۰۰۶ ییلدن بېری ایکّی تامان آره‌سیده اوروش کوچه‌یشی گه سبب بولگن.
حزب‌الله و اسراییل اردوسی آره‌سیده‌گی اوروش اۉرته شرق ده کېسکین‌لیک کوچه‌یشی گه دایر خواطرلرنی آشیرگن.
بو خواطرلر ایران نینگ اسراییل گه پهپادی و راکته هجوملریدن سۉنگ کوچه‌یگن.
رویترز نینگ معلوماتی اساسیده، اوشبو اوروش ده حاضرگچه ۳۷۰ لبنان‌لیک اینیقسه ۲۴۰ حزب‌الله شبه‌نظامی‌لری و ۶۸ تینچ اهالی هلاک بولگنلر. اسراییل نینگ تلفات رقمی ۱۸ کیشی بولگن.
