تایوان ده ۷.۴ درجه ریشترلیک زلزله؛ سونامی صادر اېتیلیشیدن آگاه‌لنتیریلدی
تایوان دولتی اوشبو مملکت نینگ شرقیده ۷.۴ درجه ریشترلیک زلزله یوز بیرگنیدن خبر بیرگن.
فرانس‌پرس آژانسی گه کوره، اوشبو زلزله ۳ اپریل، چهارشنبه کونی اېرته‌لب تایوان شرقینی قیمیرده‌تگن.
اوشبو زلزله آرتیدن تایوان و جاپان رسمی‌لری سونامی صادر اېتیلیشیدن آگاه‌لنتیرگنلر.
مذکور زلزله نینگ احتمالی زیان‌لری و تلفاتی حاضرگچه ترقه‌لمه‌گن.
تایوان دولتی نینگ بیانیه‌سی اساسیده، اوشبو زلزله احتمالی سونامی گه سبب بولیب و بو آرال نینگ اېریم قسملری گه تأثیر قیلیشی ممکن.
امریکا زلزله‌نی انیقلش اداره‌سی گه کوره، بو زلزله نینگ مرکزی تایوان «هوالین» شهری نینگ جنوبی ۱۸ کیلومترلیگی و ۳۴.۸ کیلومتر ییر نینگ چقورلیگیده یوز بیرگن.
شو بیلن بیرگه، جاپان هواشناس‌لیک اداره‌سی مذکور مملکت جنوبی آرالیده سونامی صادر اېتیلیشیدن آگاه‌لنتیرگن.
بو اداره نینگ پیش‌بینلیکلری اساسیده، تایوان یقینی آرالیده سونامی تولقینی اوچ متر گچه بلند بولیشی کوتیله‌دی.
عین‌حالده اۉتگن ییل دسامبر آیی ده تایوان شرقی ساحلی ده ۶.۴ درجه ریشترلیک کوچ گه اېگه زلزله یوز بیرگن اېدی.
بوندن آلدین ۲۰۱۶ ییلده، مذکور مملکت نینگ جنوبیده یوز بیرگن زلزله ۱۰۰ دن آرتیق کیشی نینگ اۉلیمی گه ضامن بولگن اېدی.
شونینگدیک ۱۹۹۹ییلده تایوان ده ۷.۳ درجه ریشترلیک زلزله عاقبتیده ایکّی مینگدن آرتیق کیشی جان بیرگندیلر.
