پاکستانده سابق بیر حربی طالبان مقامی تهدیدی دن سۉنگ اۉلدیریلدی
۸صبح، تخار: تخارده‌گی محلی منبعلر نینگ ایتیشلریچه، سیدنور آتی بولگن اوشبو سابق حربی نینگ جسدی ۱ ثور، شنبه کونی پاکستان پنجاب ایالتی سیالکوت منطقه‌سیده پولیس تامانیدن تاپیلگن.
بو سابق حربی قریب بیر هفته آلدین اختطاف بولگن اېدی.
سیدنور نینگ قرینداشلریدن بیری گه کوره، او اۉلدیریلیشیدن اول تخار ده طالبان سابق امنیه قوماندانی مولوی نصرالله حذیفه تامانیدن اولیم گه تهدید بولگن اېدی.
او طالبان نی سابق حکومت اوشبو حربی نینگ اولیم مسوولی بیله‌دی.
پاکستان خوفسیزلیک رسمی‌لری و افغانستانده طالبان بوتوغریده حاضرگچه فکر-ملاحظه بیلدیرمه‌گن.
ایتیش کېره‌ک که افغانستانده طالبان ایکّینچی مرته قدرت نی آلیشی بیلن، سابق حکومت حربی کوچلری عمومی کېچیریم ادعاسی گه قرشی نیچه مراتبه قولگه آلینیب و قییناق‌لنگن و اېریم موردلرده اۉلدیریلگنلر.
ینگی‌لیکده، ۱۲ حمل، یک‌شنبه کونی طالبان نیمروز ولایتی چهاربرجک تومنیده سابق بیر حربینی پیچاقلب اۉلدیرگنلر.
