واشنگتن اۉرته شرق تدقیقات‌لری انستیتوتی اعضاسی: خراسان داعش بولیمی نینگ رهبری تېریک
۸صبح، کابل: واشنگتن اۉرته شرق تدقیقات‌لری انستیتوتی اعضاسی شانتی ماریت دسوزا، خراسان داعش بولیمی نینگ رهبری شهاب‌المهاجر گه مشهور ثناءالله غفاری، طالبان نینگ اونی اۉلدیریلیشی گه دایر ادعالری گه قرشی او حاضر پاکستان بلوچستان ایالتیده تېریکچیلیک قیلماقده‌لیگینی اېتگن.
دسوزا بو بیانات نی ۹ حمل، پنج‌شنبه کونی «د دیپلمات» ژورنالیده چاپ اېتیلگن مقاله ده یازگن.
بوندن آلدین پاکستان و طالبان رسمی‌لری، اۉتگن ییل جون آی ده غفاری کنر ولایتیده اۉلدیریلگنینی اعلام قیلگن اېدیلر.
افغانستان و پاکستانده خراسان داعش بولیمی اصلی مرکزلری گه کوپراق اعتبار قره‌تیلیشی کېره‌ک دیگن، شانتی ماریت دسوزا.
اونینگ تاکیدلشیچه، مرکزی آسیا چېگره‌لری گه هم اعتبار قره‌تیلیشی کېره‌ک، چونکه داعش منطقه‌وی فعالیت‌لرینی کېنگه‌یتیریش مقصدیده سعی‌وحرکت قیلماقده دیر.
واشنگتن اۉرته شرق تدقیقات‌لری انستیتوتی اوشبو اعضاسی نینگ کوپه‌یتیریشیچه، داعش خراسان بولیمی نینگ مسکو یقینیده‌گی هجومی منطقه ده بو گروه نینگ سېزیلرلی درجه ده حضوریدن درک بیرمسه ده، بیراق مرکزی آسیا ده اونینگ نفوذ قیلیشی پیش‌بین‌لیک بولگن.
مسکو یقینیده بیر کنسرت ده خراسان داعش بولیمی نینگ قانلی هجومی، دنیا ده جدی خواطرلر گه سبب بولگن.
فایننشال تایمز گزارشیده ایتیشیچه، افغانستانده القاعده و داعش قیتیشی پیش‌بین‌لیک بولگن اېدی و بو ایکّی گروه قدیمی قرارگاه‌لریده ینگی قرارگاه قورگنلر.
اولر ارا آسترالیا استراتیزیک تدقیقات‌لری انستیتوتی گه کوره، روسیه ده داعش نینگ هجومی طالبان نینگ داعش نی یوق اېتیش ادعالرینی اساس‌سیز اثباتله‌گن.
شونینگدیک امریکا ده سناتورلردن بیرقطاری و بیر قطار قۉشنی مملکتلر عملدارلری افغانستانده طالبان حاکمیتیده ترورچی گروه‌لر کوچه‌یشیدن خواطر بیلدیریشگن.
بیراق طالبان هردایم داعش گروهی یوق اېتیلگنینی ادعا قیلیب و افغانستان توپراغی منطقه اېنیقسه قۉشنی مملکتلر اوچون تهدید اېمسلیگیدن ایشانچ بیرگنلر.
