طالبان محکمه‌سی بدخشان سابق شاروالی اۉغلینی بېش ییل آزادلیکدن محروم قیلدی
۸صبح، کابل: خبری منبعلریگه کۉره، کابلده‌گی طالبان محکمه‌سی بدخشان نینگ سابق حکومت شاروالی جنرال نذیر محمد نیازی نینگ اۉغلی عبدالرحمان نیازینی افغانستان ملی مقاومت جبهه‌سی اعضاسی و اولرگه همکارلیک قیلگنلیکده عیبلب، بېش ییلگه آزادلیکدن محروم قیلگن.
ایشانچلی منبع نینگ ۸صبح کونده‌لیگیگه تصدیقله‌شیچه، کابلده‌گی طالبان محکمه‌سی ۱ قوس، چارشنبه کونی عبدالرحمان نیازیگه نسبتاً حکم چیقرگن.
بو حکم عبدالرحمان نیازی ۱۹ آیدن بېری طالبان قماقخانه‌سیده قاله‌یاتگن پیتده چیقریلگن.
عبدالرحمن نیازی ۱۴۰۱- ییل ۷-جوزا‌ده فیض آباد شهریده‌گی اوییدن حبسگه آلینگن.
طالبان محکمه‌سی حکمیگه کۉره، بو شخص ینه اوچ ییل و ایکّی آی قماقده اۉتیریشی کېره‌ک.
منبعلرنینگ قۉشیمچه قیلیشیچه، طالبان ایکّی ییل اوّل جنرال نیازی نینگ ینه ایکّی فرزندینی ملی مقاومت جبهه‌سی بیلن همکارلیک قیلگنلیکده عیبلب حبسگه آلگن.
منبعلرگه کۉره، اولر هنوز طالبلر استخابارات قماقخانه‌سیده.
طالبان اونینگ و اکه‌لری نینگ تقدیری حقیده رسماً هېچ نرسه دېمه‌گن.
جنرال نذیر محمد نیازی بدخشان نینگ سابق شاروالی و طالبانگه قرشی اسلامی جمعیتی قوماندانلریدن بیری اېدی. او تخمیناً تۉرت ییل اوّل بدخشان ولایتی مرکزی فیض آباد شهریده رۉی بېرگن پارتلش عاقبتیده هلاک بۉلگن اېدی.
جنرال نذیرمحمد نیازی نینگ عایله‌سی طالباندن عبدالرحمان و اونینگ ایکّی اوکه‌سینی آزاد قیلیشنی بیر نېچه بار سۉره‌گن، بیراق طالبان اولرنینگ التماسیگه جواب بېرمه‌گن.
پنجشیر، بغلان و تخار بیلن بیر قطارده بدخشان مملکت نینگ شمالی ولایتلریدن بیری بۉلیب، سۉنگی ایکّی ییلده طالبان و ملی مقاومت جبهه‌سی اۉرته‌سیده وقتی-وقتی بیلن تۉقنه‌شوولر صادر بۉلگن.
