پاکستانده‌گی افغان قاچقینلری: یَشش بیزلرگه کۉپ قیین بۉلگن
۸صبح، کابل: پاکستانده‌گی بیر قنچه افغانستانلیک قاچقینلر و مهاجرلر بیرلشگن ملتلر تشکیلاتی و آسترلیا دولتیگه یۉللگن بیر نامه‌ده، سۉنگی کونلرده بو مملکتده یشش اۉزلری اوچون «جوده قتّیق» اۉته یاتگنینی ایتگنلر.
اوشبو مهاجرلر ۹-عقرب سه‌شنبه کونی اوشبو نامه‌نی یازیب، پاکستان پولیس کوچلری تامانیدن قۉلگه آلینیب افغانستان‌گه یوباریلیشدن جدی تشویشده ایکن‌لیکلرینی بیلدیرگنلر.
مذکور نامه‌گه یازیلیشیچه: «بیز افغانستانلیک قاچقینلر بیر قنچه وقتدن بېری پاکستان‌ده یشه‌یمیز و هیچ قنده‌ی آسایشته، عاطفی و مالی قۉللب قووتلنمسدن بو یېرده یشش بیزلر اوچون کۉپ قیین دیر.»
شونینگدېک اولر بیرلشگن ملتلر تشکلاتی همده آسترلیا دولتیدن دوسیه‌لری تېزده کۉریب چیقیلیشی و تقدیرلری انیقله‌نیشینی سۉره‌گنلر. عین حالده، اولر پاکستان دولتی تامانیدن جبری چیقاریلمسلیک اوچون بو مملکت حکومتی بیلن بو تۉغریده جدی گپیریشلرینی ایسته‌گنلر.
افغانستان نینگ بیر قنچه یشاووچیسی مملکت طالبلر قۉلیگه اۉتگندن کېین پاکستان‌گه مهاجر بۉلدیلر، اولر اروپا بیرلشمه‌سی همده امریکا مقصدیده بو مملکت‌نی ترک قیلیشنی کوته‌دیلر.
عین حالده، طالبلر مهاجرلر ایشلری بۉییچه وزیرلیک نینگ معلوماتی اساسیده سۉنگی ۲۴ ساعت ایچیده ۱۲ مینگ مهاجر تورخم بندری آرقلی مملکتگه قیتیب کېلگنلر.
