آلمان افغانستانلیک یوزلب پناه ایزلاوچیلرنی قیته جایلشتیریش وعده‌سینی بېکار قیلدی
۸صبح، کابل: آلمان حکومتی پاکستان‌ده آلمان‌گه کۉچیریلیشنی کوته‌یاتگن ۶۴۰ نفر افغان پناه ایزلاوچیسینی قبول قیلیش رېجه‌سیدن واز کېچدی.
گاردین، ۲۰- قوس، پنج‌شنبه کونی، آلمان ایچکی ایشلر وزیرلیگیده‌گی بیر منبعگه ته‌یه‌نیب خبر بېریشیچه،آلمان باش وزیری، فریدریش مرتس، افغانستانلیک‌لر اوچون مۉلجللنگن ایکی خیل حمایه دستورینی تۉخته‌تگن.
معلومات‌لرگه کۉره، مرتس، اۉنگ رادیکال کوچلر نینگ باسیمیگه قرشی توریش مقصدیده مهاجرت باره‌سیده ینه‌ده کېسکین سیاست یوریتماقده.
آلمان ایچکی ایشلر وزیرلیگی وکیلی ایتیشیچه، کۉچیریشنی کوته‌یاتگن شخصلر یقین کونلرده اولرگه نسبتاً «سیاسی قیزیقیش اېندی موجود اېمسلیگی» حقیده رسمی بیلدیریشنامه آلیشه‌دی.
حقوق تشکیلاتلری بو قرارنی «خیانت» و بیر نېچه محکمه قرارلرینی نادیده‌لیک صفتیده بهاله‌گن.
اولر آگاهلنتیریشیچه، اوشبو افغانلر نینگ آرتگه قیتریلیشی اولرنی «تعقیب، قییناقلر و اۉلیم» خوفیگه دچار قیلیشی ممکن.
«پرو آسول» تشکیلاتی رهبری کارل کوپ، حکومت قرارینی «شفقتسیز» دېب اته‌ب، شونده‌ی ایتیشیچه: «اولگی حکومت بو انسانلرنی فقط شو نینگ اوچون قبول قیلیشگه وعده بېرگن اېدی ، اولر افغانستانده عیاللر حقوقی، انسان حقوقلری و اېرکینلیک اوچون کوره‌شگن.»
خبرلرده ایتیلیشیچه، اوشبو دستور بېکارلیگیدن تأثیرلنگن شخصلر اېندی جدی خوف آستیده قالگن و طالبان رېژیمی قۉلیگه توشیش احتمالی یوقاری دیر.
مرتس حکومتیدن آلدین، آلمان‌ده تخمیناً تۉرت مینگ محلی خادم و اولر نینگ ۱۵ مینگگه یقین عایله اعضالری جایلشتیریلگن اېدی.
نادولت تشکیلاتلر نینگ معلوماتیگه کۉره، آلمان گه کۉچیریلیشی اله‌قچان تصدیقلنگن ۱۸۰۰ افغان پناه ایزلاوچی پاکستان‌ده بیر نېچه آیدن بېری ناانیق تقدیر بیلن یشب کېلماقده.
شو بیلن بیرگه، خلق ارا کیچیریم تشکیلاتی، هومن انسان حقلری کوزه تووچی و مذهبی تشکیلاتلر کبی بیر قطار مؤسسه‌لر آلمان دن برچه ۱۸۰۰ پناه ایزلاوچینی ییل آخریگچه، پاکستان بېلگیله‌گن چیقیش مدتیدن آلدین، تخلیه قیلیشنی طلب قیلگن.
