افغانستان کریکت تیمی غلبه نینگ نېچه قدمیده؛ کۉک ارسلانلر هلندنی مغلوب قیلدی
افغانستان کریکت ملی تیمی کریکت ۵۰آور خلق ارا بیّلشوولری نینگ یېتینچی اوچره‌شوویده رحمت شاه و حشمت‌الله شهیدیلر پارله‌شی بیلن یېتی ویکت تفاوت‌ده هلند کریکت ملی تیمنی مغلوب قیلیب بېشنچی اۉرینگه کېلدی.
ایکّی تیم نینگ اوچره‌شووی ۱۲-عقرب جمعه کونی هند اکانای سپورت میدانی بۉلیب اۉتدی.
اوشبو اوچره‌شووده، هلند آلدینگی تۉرت بیلّشووده هم تۉرت مرته مغلوب بۉلیشنی تجربه قیلگن حالده، قرعه‌نی یوتیب توپ تشلشنی باشله‌دی.
مذکور تیم نینگ کریکتچیلری قیرق آلتینچی آوره‌گچه ایلگری باریب ۱۷۹ یوگوریش بجردیلر و افغانستان اوچون ۱۸۰ یوگوریش هدف تعیینله‌دیلر.
بیلّشوو دوامیده افغانستان ملی پوشلری توپ تشلشنی باشلب ۳۱آورده تعینلنگن هدفنی تکمیل قیلیب بو مسابقه نینگ مغلوبی اعلان قیلیندی.
خلق ارا کریکت مسابقه‌لریده بو افغانستان ملی کریکت تیمی نینگ تۉرتینچی غلبه‌سی دیر و مملکت ملی کریکت تیمی اوشبو موفقیت بیلن سکّیز امتیازگه اېگه بۉلیب پاکستان ملی تیمیدن بیر پاغانه اۉتیب بېشینچی اۉرینگه کېلدی.
انگلستان، پاکستان و سریلانکا کریکت ۵۰آور خلق ارا مسابقه‌لریده‌گی افغانستان برابریده مغلوبیتگه اوچره‌گن سنله‌‌دی.
افغانستان بو بیلّشوولرده‌گی اوچره‌شووی نینگ سکّیزینچی و تۉقیزینچی مسابقه‌سینی ۷و ۱۰ نوامبرده آسترلیا و جنوبی افریا بیلن اۉتکزیشی کوتیله‌دی.
