افغانستان کریکت ملی تیمی اوچ ویکت تفاوت بیلن استرلیا برابریده مغلوب بۉلدی
۸صبح، کابل: کریکت ۵۰ آور خلق ارا بیلّشوونینگ دوامیده، افغانستان ملی کریکت تیمی هیجانلی بیر اوچره‌شووده اوچ وکت تفاوت بیلن استرلیا ملی تیمی برابریده مغلوب بۉلدی.
اوچره‌شوو ۱۶- عقرب سه‌شنبه کېچه هندوستان نینگ وانخده سپورت میدانیده بۉلیب اۉتدی.
اۉتگن اوچره‌شوولریده هلندنی یېتی ویکت تفاوت بیلن مغلوب قیلگن افغانستان، بو اوچره‌شووده بېشینچی غلبه بیلن یریم فاینل‌گه اۉتیشیگه امیدوار اېدی.
مملکت ملی پوشلری بو اوچره‌شووده قرعه‌نی یوتیب توپ اوروشنی باشله‌دیلر.
کۉک ارسلانلر ۵۰ نلآورده ۵ اۉیینچینی قۉلدن بېریش بیلن۲۹۱ یوگوریش بجردی و آسترلیا کریکتچیلریگه ۲۹۲ یوگوریش هدف تعیینله‌دی.
بیلّشووده استرلیا کریکت اۉیینچیلری توپ تشلشنی آلیب و اولر مکس‌وییل پارله‌شی بیلن تعیینلنگن هدفنی تکمل قیلیب بو میدان نینگ غالبی بۉلدیلر.
بو اوچره‌شووده مکس‌وییل استرلیا ملی تیمی اوچون ۲۰۱ یوگوریش بجریب و رقابتلرنینگ رکوردداری بۉلیب بو اوچره‌شوونینگ اېنگ یخشی اۉیینچی تنلندی.
بو بیلّشووده افغانستان اۉزی نینگ سکّیزینچی اوچره‌شووده تۉپلم ۸ اوچره‌شووده افغانستان ملی تیمی تۉرت بار غالب و تۉرت مرته اېسه مغلوب بۉلدی.
مملکت ملی پوشلری اۉزی نینگ تۉقیزینچی اوچره‌شووینی ۱۰ – نوامبر جمعه کونی جنوبی افریقا بیلن اۉتکزهدی.
