مملکت ملی فوتبال تیمی قطرگه یۉل آلدی
۸صبح، کابل: افغانستان ملی فوتبال تیمی ۲۰۲۶ییلگی جهان بیلّشووی و ۲۰۲۷ییلگی آسیا بیلّشووی‌نینگ ایکّینچی سره‌لش بۉییچه اۉیینلریده قتنه‌شیش مقصدیده کابل‌دن قطرگه جۉنب کېتدی.
طالبان باشقرووده‌گی افغانستان فوتبال فدراسیونی مملکت ملی تیمی ۲۲-عقرب دوشنبه کونی قطرگه باردیلر دېب ایتدی.
افغانستان ملی تیمی اوشبو بیلّشوولرده قطر، هند و کویت ملی تیملری بیلن اوچره‌شیشی کوتیله‌دی.
افغانستان‌نینگ بیرینچی اوچره‌شووی جاری هفته پنج‌شنبه کېچه‌سی ۸:۴۵ دقیقه‌ده قطر ملی تیمی بیلن اۉینه‌شی رېجه‌لنتیریلگن.
مملکت ملی فوتبال تیمی، ملی تیم نینگ بیر قطار اۉیینچیلری مملکت ملی فوتبال فدراسیونی فسادگه عیلب مذکور فدراسیوننی تحریم قیلگن بیر پیتده جهان بیلّشوو ایکّینچی سره‌لش بۉییچه اۉیینلریده اشترک قیلیش مقصدیده قطرگه باردی.
عین حالده اۉتگن هفته چهارشنبه کونی اشلی مایکل وستوود بیر ییللیک شرطنامه بیلن افغانستان فوتبال ملی تمی‌نینگ ینگی سرمربی‌سی اېتیب تعیینلندی.
او، اۉزی‌نینگ تانیشتیریش مراسمیده قطر و کویت ملی تیملرینی مغلوب قیلیش انگیزه‌سی بیلن میدانگه باریشنی تیلگه آلگن اېدی.
