افغانستان ملی فوتسال جماعهسی کویتگه قرشی دوستانه اۉیینده مساوی قیلدی
۸صبح، کابل: افغانستان ملی فوتسال جماعهسی دوستانه اۉیینده کویت ملی فوتسال جماعهسیگه قرشی ۴- ۴ مساوی قیلدی.
اوشبو اۉیین، ۲۹ – قوس، شنبه کونی، کویتده اۉتکزیلگنی معلوم قیلیندی.
افغانستان ملی جماعهسی، بیرینچی بۉلیمده آرقهده قالیشیگه قرهمهی، اۉییننی تساوی بیلن یکونلشگه موفق بۉلدی.
ایکینچی بۉلیم هم گول المشینووی بیلن دوام اېتدی و نتیجهده هر ایکی جماعه هم اۉییننی شو حساب بیلن یکونلدی.
افغانستان ملی جماعهسی نینگ گوللرینی احمد شاه، فرهاد صمدی و سجاد یوسفی کیریتدی.
جماعه باش مربیسی، اۉییندن سۉنگ اوشبو اوچرهشوو خلقارا مسابقهلرگه تیارگرلیک جریانیده اۉیینچیلر اوچون مهم تجربه بۉلگنینی ایتدی و موافقلیک همده تاکیتیکلرده کۉپراق ایش آلیب باریش ضرورلیگینی تأکیدلهدی.
کویتگه قرشی مساوی قیلیش، جماعه نینگ رواجلنیشینی کۉرسهتهدی و افغانستان کېلگوسی آیلر دوامیده بیر نېچته دوستانه اۉیینلر اۉتکزیشنی رېجهلشتیرماقده.
