ایران رسمیسینینگ امریکا باشچیلیگیدهگی منطقوی خوفسیزلیک ملاقاتیگه کېسکین مناسبتی
ایران تشقی ایشلر وزیری اۉرینباسری کاظم غریبآبادی، بحرینده امریکا باشچیلیگیده اۉتکزیلگن منطقوی خوفسیزلیک ملاقاتیگه مناسبت بیلدیریب، حربی ییغیلیشلر فارس کۉرفزی اوچون حقوقی ترتیب و خوفسیزلیکنی تأمینلهی آلمهسلیگینی ایتدی.
غریبآبادی، پنجشنبه کونی، ۲ جولای، ایکس صحیفهسیده یازیشیچه، هرمز بۉغازی سنتکام اېمس، بلکه ایران وکالتیگه کیرهدی.
او شوندهی قۉشیمچه قیلدی: «منطقه خوفسیزلیگی امریکانینگ ارهلشوویگه برهم بېریلیشی و اونینگ منطقهدن چیقیب کېتیشی، دولتلر حاکمیتی حرمت کۉرسهتیلیشی همده ینگی جیوپلیتیک واقعلیکلرنینگ تن آلینیشی آرقهلی تأمینلنهدی، امریکانینگ حربی سایبانی آستیده اېمس.»
اۉتگن کون امریکا حربی کوچلری مرکزی قوماندانلیگی (سنتکام) سعودی عربستان، بیرلشگن عرب امیرلیکلری، قطر، عمان و کویتنی اۉز ایچیگه آلگن ۱۲ دولت نینگ یوقاری مرتبهلی حربی عملدارلری بحرینده اوچرهشیب، هرمز بۉغازی آرقهلی «سودا آقیمی نینگ اېرکینلیگینی تأمینلش» بۉییچه اۉز مجبوریتلرینی ینه بیر بار تصدیقلهگنینی معلوم قیلگن اېدی.
