بمت: افغانستان و ینه اوچ مملکتده تۉقّیز میلیون کیشی قیشکی یاردمگه محتاج
۸صبح، کابل: بیرلشگن ملتلر تشکیلاتی‌نینگ قاچقینلر بۉییچه عالی کمیسارلیگی (UNHCR) افغانستان، اوکراین، سوریه و لبنانده کمیده تۉقّیز میلیون کیشی قیشکی ساووقدن حمایه‌لنیش اوچون شاشیلینچ یاردمگه محتاج اېکنینی معلوم قیلدی.
اوشبو تشکیلات جمعه کونی، ۸عقرب قیشکی یاردم اوچون ییللیک مبلغ ییغیش کمپاینی باشلنگنینی اعلان قیلیب، مالیوی منبعلر‌نینگ یېتیشمسلیگی و انرژی نرخلری‌نینگ آشیشی اوشبو تۉرت مملکتده‌گی ضعیف عایله‌لر احوالینی ینه‌ده آغیرلشتیرگنینی بیلدیردی.
بمت قاچقینلر بۉییچه عالی کمیسارلیگی جاری قیشده محتاجلرنی قۉللب-قوّتلش اوچون کمیده ۵۰ میلیون دالر مبلغ ییغیشنی رېجه‌لشتیره‌یاتگنینی معلوم قیلدی.
تشکیلات‌نینگ اَیتیشیچه، اوشبو کمپنیدن مقصد جسمانی شخصلر‌نینگ خیریه مبلغلرینی جلب قیلیش و ضعیف عایله‌لر‌نینگ قیشکی احتیاجلرینی تأمینلشدن عبارت.
بیرلشگن ملتلر تشکیلاتی شونینگدېک، سۉره‌له‌یاتگن مبلغ مقداری اۉتگن ییلگی قیشکی یاردم کمپاینیده تۉپلنگن مبلغدن اوچ میلیون دالرگه کۉپلیگینی قۉشیمچه قیلدی.
بیرلشگن ملتلر تشکیلاتی قاچقینلر بۉییچه عالی کمیسارلیگی اوشبو مراجعت بیلن تشکیلات بودجه‌سی‌نینگ کېسکین قیسقریشی اونینگ انسانپرورلیک احتیاجلرنی قاندیریش امکانیتلرینی چېکلب قۉیگن بیر پیتده چیقماقده.
