افغانستان اولاق ملی جماعهسی قیرقیزستانگه جۉنهب کېتدی
۸صبح، کابل: افغانستان اولاق ملی تیرمه جماعهسی جهان کۉچمنچیلر اۉیینلریده اشتراک اېتیش اوچون قیرغیزستاننینگ بېشکک شهریگه جۉنهب کېتدی.
طالبان نظارتیدهگی باختر سهشنبه کونی، ۱۰-سنبله، افغانستان اولاق ملی تیرمه جماعهسی ۱۰ نفر اولاقچی و بیر مربیدن عبارت اېکنینی خبر قیلدی.
حساباتگه کۉره، اوشبو جماعه قیرغیزستان مېزبانلیگیده ۲۰۲۶-ییلگی جهان کۉچمنچیلر سپورتلری مسابقهلرینینگ آلتینچی توریده اشتراک اېتهدی.
افغانستان اولاق ملی جماعهسی طالبان نظارتیدهگی ملی اولاق، نیزه اۉیینی و محلی سپورت تورلری فدراسیونی باشلیغی غلام سرور جلال باشچیلیگیده بېشکککه جۉنهب کېتگن.
اَیتیلیشیچه، بېشککده اۉتکزیلهیاتگن جهان کۉچمنچیلر اۉیینلرینینگ اوشبو توریده محلی سپورت تورلرینینگ یوزلب سپورتچیلری بېللشهدی.
ایتیش کېرهک که ۲۰۲۶-ییلگی جهان کۉچمنچیلر اۉیینلری قیرغیزستان مېزبانلیگیده ۱۰۶ مملکت سپورتچیلری اشتراکیده اۉتگن کون، شانگهای همکارلیک تشکیلاتیگه اعضا دولتلر رهبرلری ییغیلیشی باشلنیشی بیلن بیر وقتده باشلنگن و ۱۶-سنبلهگچه بېشکک شهریده دوام اېتهدی.
