سرپل بدخشانگه قرشی غلبه قازانیب افغانستان اولاق لیگهسی قهرمانی بولدی
افغانستان اولاق لیگهسی ۷- دوری نینگ فاینل اویینی بوگون سرپل و بدخشان اولاق جماعهلری اورتهسیده اوتکزیلیب، سرپل قهرمانلیگی بیلن یکونلندی.
بوگون، ۱- جدی، دوشنبه کونی، سرپل اولاق جماعهسی اوزینینگ قیرغیزستانلیک و افغانستانلیک اولاقچیلرینینگ کوچلی اویینی بیلن بدخشاننی ۷-۰ حسابیده مغلوب قیلدی.
قیزیق و هیجانلی اوتکزیلگن بو اویین ایریم جنجللر بیلن هم یوز مه یوز بولدی بیراق شوندی بولسه یکونلی نتیجهسی سرپل نینگ کوچلی غلبهسی بیلن یکونلندی.
بو ییل سرپل اولاق اوچون کتته تیارگرلیک بیلن اولاق لیگهسیده اشتراک ایتیب، هیچ قندهی مغلوبیتسیز کوچلی قهرمان بولدی.
دېیرلی بو ییل اولاق لیگهسیده، بدخشان ایککینچی و بغلان و قندوز جماعهلری ایسه اوچینچی و تورتینچی اوریننی اوزلریدن قیلدی.
اوشبو لیگهده بو ییل افغانستان ۱۱ ولایتیدن جماعه اشتراک قیلگن ایدی.
سرپل بوندن ایلگری هم، افغانستان اولاق لیگهسی ۵- نچی دوریده هم قهرمان بولگن ایدی.
