احمد الشرع: سوریه لبنانگه حربی اره‌لشوو نیتیده اېمس
سوریه جمهور باشلیغی احمد الشرع، دمشق‌نینگ لبنانگه حربی اره‌لشوو قیلیش نیتی یۉقلیگینی معلوم قیلدی.
الجزیره یک‌شنبه کونی، ۲۶ جولای، خبر بېریشیچه، احمد الشرع سوریه لبنان حکومتی‌نینگ قورال اوستیدن نظارتی همده اوروش و تینچلیک مسأله‌لری بۉییچه قرار قبول قیلیش حقوقینی قۉللب-قوّتلشینی اَیتگن.
او شونده‌ی دېگن: «بیز منطقه‌ده اوروش حدودی‌نینگ کېنگه‌ییشیدن خواطرده‌میز و لبنانگه هېچ قنده‌ی حربی اره‌لشوو قیلیش نیتیمیز یۉق.»
سوریه جمهور باشلیغی ینه قۉشیمچه قیلیشیچه، لبنانده‌گی هر قنده‌ی بې‌قرارلیک سوریه‌گه بې‌واسطه تأثیر کۉرسه‌ته‌دی.
بو منطقه‌ده کېسکینلیکلر کوچه‌ییب، انقراض‌نینگ قۉشنی مملکتلرگه هم یاییلیشیدن خواطرلر آرتیب باره‌یاتگن بیر پیتده یوز بېرماقده.
