امریکا: برچه مملکتلر، افغانستان یشاووچلریگه خلق ارا حمایه‌گه کیریشگه رخصت بېریشی کېره‌ک
۸صبح، کابل: امریکا تشقی ایشلر وزیرلیگی برچه مملکتلر اینیقسه پاکستان‌دن افغانستانلیک مهاجرلر و قاچقینلر بیلن «اۉزی نینگ مکلفیتلری» اساسیده یانده‌شیشی کېره‌کلیگینی سۉره‌دی.
بو قبیل سۉزلرنی امریکا قۉشمه ایالتلری تشقی ایشلر وزیرلیگی نینگ سۉزلاوچیسی متیو میلر ۱۰-عقرب چهارشنبه کونی خبری بیر ییغینده تیلگه آلدی.
شونینگدېک او، مذکور مملکت جبری چیقارمسلیک اصولیگه حرمت قیلیشی کېره‌ک دېب تاکیدله‌گن.
بیز افغانستان نینگ برچه قۉشنیلرینی، شو جمله‌دن پاکستاننی خلق ارا حمایه‌گه اینتیله یاتگن افغانلرگه انسان پرورلیک یاردم کۉرسه‌تیش اوچون بیرلشگن ملتلر تشکیلاتی نینگ قاچقینلر بۉییچه عالی کمیسارلیگی و خلق ارا مهاجرت تشکیلاتی کبی خلق ارا مهاجرت تشکیلاتلرگه کیریش و اولر بیلن همکارلیک قیلیش امکانینی بېریشگه قتّیق چارله‌یمیز دېدی میلر جنابلری.
ایتیش کېره‌ک که او مملکتده یشاوچی قانونی حجتی بۉلمه‌گن مهاجرلر پاکستاننی ترک قیلیب چیقیشی اوچون اعلان قیلینگن مهلت ۹-عقرب سه‌شنبه کونی اۉز اداغیگه یېتدی.
پاکستان موقت حکومتی نینگ ایچکی ایشلر وزیرلیگی سرپرستی سرفراز بوگتی بوگون دن باشلب (۱۱-عقرب پنج‌شنبه کونی پاکستان بۉیلب ناقانوی استقامت قیله دېگن برچه مهاجرلر اوشلب آلینیش جریانی باشله‌نیشی ممکن دېگن اېدی.)
اونینگ سۉزلریگه کۉره، ناقانونی مهاجرلر دستلب تعیینلنگن مرکزلرگه آلیب باریله‌دیلر و سۉنگره او مرکزلردن مملکتلریگه جۉنه‌تیله دیلر.
