امریکا: اسراییل بیلن رفح حقیده مذاکره قیلیش زمانینی بیلگی‌لشماقده میز
آق‌سرای سۉزلاوچیسی کارین ژان پی‌یر گه کوره، اسراییل نینگ رفح ده حربی عملیاتی حقیده جدی مذاکره آلیب باریلماقده و واشنگتن تل‌آویو بیلن اوشبو مذاکره‌لر زمانینی بیلگی‌لشماقده.
ژان پی‌یر ۲۷ مارچ چهارشنبه کیچه خبری بیر ییغیلیشده، اسراییل باش وزیری بنیامین نتانیاهو نینگ دفتری، رفح ده عملیات یولگه قوییلیش قراری قیته کوریلب چیقیلیش گه کېلیشگنینی بیلدیرگن.
او بو مذاکره‌لرنی «جدی» اته‌ب کوپه‌یتیریشیچه: «بیز حاضر ایکّی تامان اوچون منفعتی بولگن زمان نی بیگیلش مقصدیده ایش آلیب بارماقده‌میز.»
اکسیوس نینگ گزارشی اساسیده، اسراییل باش وزیری کېله‌سی هفته بیرینچی کون‌لرده اوشبو مملکت نینگ ییریک ایکی عملدارینی رفح عملیاتی حقیده مذاکره قیلیش اوچون واشنگتن گه یولـلـه‌شی کوتیله‌دی.
بوندن آلدین، اسراییللیک بو ایکی رسمی نینگ سفری، غزه ده آتیش کېسین برقرار اېتیلیشی خصوصیده بیرلشگن ملتلر تشکیلاتی خوفسیزلیک کینگشی نینگ قطع‌نامه‌سی امریکا تامانیدن وتو بولمسلیگی اوچون، نتانیاهو تامانیدن بکار قیلنگندی.
اۉتگن کون نتانیاهو دفتری بیر بیانیه ترقه‌تیب ایتیشیچه: «امریکا جدی موضوع‌سیدن آرتگه چېکینگن و اسراییل هیأتی واشنگتن گه سفر قیلمه‌یدی. امریکا نینگ بو حرکتی اسیرلر قوییب یوباریلیشی اوچون تلاش‌لر گه سلبی تاثیر قویه‌دی.»
ایتیش کېره‌ک که اسراییل هیأتی نینگ واشنگتن گه سفری بیکار قیلینیشی، نتانیاهو و بایدن آره‌سیده کېلیشماوچیلیکّه سبب بولگن.
شو بیلن بیرگه، غزه ده چېگره بیلمس شفاکارلر مسوولی اسراییل نینگ رفح گه هر قنده‌ی هجومینی «فاجعه‌لی و انسانیت گه قرشی» اته‌گن. اونگه کوره، بو منطقه ده عملیات کېنگ کولمده انسانی تلفات گه سبب بولیشی ممکن.
نیچه کون آلدین امریکا جمهور باشلیغی جوبایدن اۉرین باسری کامالا هریس اسراییل نینگ رفح گه هر قنده‌ی حربی هجومینی «خطا» اته‌گن اېدی.
هریس ۲۴ مارچ، یک‌شنبه کونی، اسراییل امریکا قۉشمه ایالتلری نینگ قرشی‌لیگی بیلن رفح گه هجوم قیلگن تقدیرده، واشنگتن بو حرکت گه قرشی، هر قنده‌ی قرار آلیشیدن آگاه‌لنتیرگندی.
