امریکا نینگ عراق و سوریه ده‌گی هوا هجوم‌لری؛ «سوریه ده ۱۸ کیشی هلاک بولدی»
امریکا سوریه و عراق ده هوا هجوم‌لری گه دوام بیرماقده اېکن، سوریه ده انسان حقلرینی کوزه‌تووچی تشکیلات اوشبو مملکت ده یالغیز ۱۸ تینچ اهالی هلاک بولگنینی بیلدیرگن.
بو هجوم‌لر ۲ فبروری جمعه کیچه، سوریه و عراق ده اۉیوشتیریلگن.
العربی الجدید قطری یېتکیرمه سوریه ده انسان حقلرینی کوزه‌تووچی تشکیلات منبع‌لریدن نقل قیلیب یازیشیچه، بو مملکت ده اۉیوشیریلگن هجوم امریکا نینگ اېنگ بویوک هجوم‌لریدن بیری بولگن.
عین‌حالده، امریکا قۉشمه ایالتلری نینگ مرکزی قوماندان‌لیگی (سنتکام) گه کوره، بو مملکت حربی کوچلری گه قرشی اۉیوشتیریلگن هجوم‌لر ده‌گی بیرینچی جواب ده ۱۲۵ قناتلی راکت، دقیق و هدایت بولوچی بمب‌لر بیلن ۸۵ هدف نشانگه آلینگن.
سنتکام نینگ معلوماتی اساسیده، اوشبو هجوم‌لر ده «ایران سپاه پاسدارن» حمایت قیله‌دیگن شبه‌نظامی‌لر گه عاید راکت و موشک‌لر انباری، پهپادلرنی اسره‌ش، قورال-یراغ مرکزلری نشانگه آلینگن.
امریکا جمهور باشلیغی جوبیادن بیر بیانیه ترقه‌تیب ایتیشیچه: «بوگون عصر پیتی، می‌نینگ بویروغیم بیلن، امریکا قوشمه ایالتلری نینگ حربی کوچلری عراق و سوریه ده سپاه پاسدارن و شبه‌نظامی‌لر گه عاید مرکزلر که بو ییردن امریکا کوچلری نشانگه آلینر اېدی، هدف قرار بیرگنلر.»
امریکا حربی عملدارلری اوتگن هفته، ایران حمایت قیله‌دیگن شبه‌نظامی گروه‌لر اکتوبر آیی دن بویان منطقه ده امریکا قوشمه ایالتلری نینگ آست قورمه‌لری گه ۱۶۶ مراتبه هجوم اۉیوشتیرگن.
اوتگن هفته اردن شمال شرقی ده امریکا حربی کوچلری نینگ قرارگاه‌لری هدف قرار بیریلیشی ایران حمایتیده بولگن شبه‌نظامی‌لر گه نسبت بیریلدی، بو هجوم ده امریکا قوشمه ایالتلری نینگ اۉچ اعضاسی هلاک بولیب و باشقه کمیده ۴۰ عسکری یره‌لنگنلر.
شو بیلن بیرگه، ایران بو هجوم گه هیچ علاقه‌سی یوق‌لیگینی ایتگن.
