گوترش برقرار تینچلیککه اېریشیش اوچون خلق‌ارا حقوققه رعایه قیلیش مهم‌لیگینی تأکیدله‌دی
بیرلشگن ملتلر تشکیلاتی‌نینگ باش کاتبی آنتونیو گوترش‌نینگ اَیتیشیچه، تۉقنه‌شوولر کوچه‌ییب باره‌یاتگن شرایطده برقرار تینچلیککه اېریشیش‌نینگ یالغیز یۉلی خلق‌ارا حقوققه رعایه قیلیش، انقراضلر‌نینگ توب ایلدیزلرینی برطرف اېتیش و سیاسی یېچیملرنی تاپیشدن عبارت.
گوترش پنج‌شنبه کونی، ۲۹-اکتوبر، ایکس صحیفه‌سیده اوروشلر و زۉرآورلیکلرگه برهم بېریش اوچون ضرور سیاسی اراده بۉلیشی کېره‌کلیگینی یازگن.
او قوراللرنی جیم قیلیشگه، قاتللیکلرنی تۉخته‌تیشگه و برچه انسانلر تینچلیکده یشه‌یدیگن دنیانی یره‌تیش یۉلیده حرکت قیلیشگه چقیرگن.
بمت باش کاتبی انقراضلر‌نینگ توب سببلرینی برطرف اېتیش و سیاسی یېچیملرنی ایزلش برقرار تینچلیککه اېریشیش‌نینگ مهم یۉللریدن اېکنینی تأکیدله‌گن.
