بایدن: غزه اۉروشی‌ده نتانیاهو نینگ حرکتی اسراییل گه ضرر ییتکیزه‌دی
امریکا جمهور باشلیغی جوبایدن، غزه اۉروشی گه دایر اسراییل باش وزیری بنیامین نتانیاهو نینگ آلگن قراری و حرکتی «اسراییل گه یاردم بیریش اۉرنیده بو مملکت گه زیان ییتکیزیشیدن» آگاه‌لنتیرگن.
بایدن بو سۉزلرنی «ام‌اس‌ان‌بی‌سی» بیلن اۉتکزگن مصاحبه‌ده که ۹ مارچ، شنبه کونی ترقه‌لدی، بیان قیلگن.
او ېنه بیر بار حماس بیلن اۉروش ده اسراییل نی قۉللب-قوتلش گه تاکیدله‌گن، بیراق غزه اۉروشی‌ده بنیامین نتانیاهو نینگ قراری و حرکتی خصوصیده ایتیشیچه: «او عملیات‌لرده گناه‌سیز کیشی‌لر نینگ تلفاتی گه کوپراق دقت قیلیشی کېره‌ک.»
جوبایدن نینگ کوپه‌یتیریشیچه، غزه جنوبی ده رفح شهری گه اسراییل نینگ احتمالی هجومی که او ییرده ۱.۳ میلیون فلسطین‌لیک باش پنه‌تاپگن، اونینگ اوچون «قیزیل چېزیغ» سنله‌دی.
شو بیلن بیرگه امریکا جمهور باشلیغی گه کوره، اونینگ دولتی راکتی هجوم‌لر برابری‌ده اسراییللیک تینچ اهالینی قوروقلش اوچون قورال تامیناتی جمله دن «گنبدآهنین» موشکی یاردم‌لری گه دوام بیره‌دی.
جوبایدن آی‌لردن بیری، اسراییل غزه اۉروشی و تینچ اهالی نینگ تلفاتی آشیش گه دایر حرکتی اوچون خلق‌ارا حمایت‌لرنی قولدن بیریشیدن آگاه‌لنتیرماقده.
امریکا جمهور باشلیغی رمضان آی باشلنیشیدن آلدین غزه ده آتیش کېسین برقرار اېتیلیش گه امیدوار اېدی، بیراق مصر ده حماس و اسراییل آره‌سیده مذاکره‌لر توخته‌گن.
