بلومبرگ: منطقه ده‌گی سۉنگی پارتلش‌لر داعش نینگ غرب گه هجوم قیلیش خواطرلرینی آشیرگن
۸صبح، کابل: بلومبرگ آژانسی ترقه‌تگن گزارشیده، داعش نینگ روسیه و ایران ده سۉنگی هجوم‌لریدن کېین، خراسان داعش بولیمی نینگ غرب گه هجوم قیلیش خواطرلری آشگنینی معلوم قیلگن.
۲۰ حمل، دوشنبه کونی ترقه‌لگن اوشبو گزارش ده، بو تهدیدلر آلدی آلینیشی اوچون «تروریسم گه قرشی دقت قیلینشی» گه تاکید اېتیلگن.
بلومبرگ آژانسی گه کوره: «بایدن دولتی ۲۰۲۱ ییلده افغانستاندن آرتگه چېکینگنیدن بېری، امریکا عملدارلری شبه‌نظامی گروه‌لر پایگاه‌لری صفتیده اوشبو مملکتدن غرب گه هجوم قیلیشیدن خواطرده بولگنلر و سۉنگی کونلرده‌گی هجوم بو خواطرلرنی آشیرگن.»
خراسان داعش بولیمی نینگ مسکو یقینیده کنسرت سالونیده هجومی، دنیا بویلب جدی تشویش‌لر گه سبب بولگن.
امریکا ده سناتورلر و قۉشنی مملکتلر نینگ بیرقطار رسمی‌لری طالبان حاکمیتیده افغانستانده ترورچی گروه‌لر کوچه‌یشیدن جدی خواطر بیلدیرگنلر.
ینگی‌لیکده، امریکا قۉشمه ایالتلری نینگ صلح انستیتوت ییریک بیلرمانی اسفندیار میر، خراسان داعش بولیمی مسکو حدودلریده هجوم قیلیش بیلن، دنیا نینگ هر بیر بورچه‌گیده هجوم قیلیش کوچی بارلیگینی کورستگنینی اېتگن.
بیراق طالبان هر دایم مملکتده داعش نی یوق قیلیب و افغانستان توپراغی منطقه اینیقسه قۉشنی مملکتلر اوچون جدی تهدی اېمس‌لیگیدن ایشانچ بیرگنلر.
