کانادا افغانستانگه قریب بیر میلیون دالر یاردم بېردی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردم‌لرنی موافقلشتیریش باشقرمه‌سی (اوچا) کانادا‌نینگ افغانستانگه ۹۵۷ مینگ دالر مقداریده یاردم بېرگنینی معلوم قیلدی.
اوچا، پنج‌شنبه کونی، ۱۹سنبله، ایکس صحیفه‌سیده اوشبو مبلغ کانادا تامانیدن افغانستان انسانپرورلیک جمغرمه‌سیگه تۉله‌نگنینی یازدی.
بیرلشگن ملتلر تشکیلاتی دایمی قۉللب-قوّتلش اوشبو تشکیلاتگه افغانستان بۉیلب اېنگ ضعیف قتلم وکیللریگه یېتیب باریشگه یاردم بېریشینی تاکیدله‌دی.
بو حالت اوچا بیر نېچه کون اوّل قَیتیب کېلگن باش‌پناه ایزلاوچیلر، طبیعی آفتلردن ضرر کۉرگن اهالی و ایچکی کۉچیریلگن شخصلرگه یاردم کۉرسه‌تیش اوچون مبلغ یېتیشمسلیگی جدّی اېکنینی معلوم قیلگن بیر پیتده یوز بېرماقده.
شو بیلن بیرگه، بیرلشگن ملتلر تشکیلاتی جاری ییلده افغانستانده قریب ۲۲ میلیون کیشی انسانپرورلیک یاردمگه محتاج اېکنینی معلوم قیلدی.
