سنتکام حوثی‌لر گه عاید تورت پهپاد و کېمه گه ضد بیر بالستیک راکته یوق اېتیلگنیدن خبر بیردی
امریکا مرکزی قوماندان‌لیگی (سنتکام) ایران قۉللب-قوتله‌یدیگن حوثی شبهنظامیلر گه عاید کېمه گه ضد بیر بالستیک راکته و تورت پهپاد نی یوق اېتگنیدن خبر بیرگن.
سنتکام ایکس اجتماعی ترماغیده یازیشیچه، خلق‌ارا حربی ایتلاف کوچلری نینگ کېمه‌لریدن بیری ۲۴ اپریل، چهارشنبه کونی محلی وقت بیلن توشدن آلدین یمن ده اوشبو گروه کنترولیده‌گی منطقه‌دن خلیج عدن تامان آتیلگن حوثی‌لر نینگ کېمه‌گه ضد بیر بالستیک راکته‌نی یوق قیلگن.
اوشبو مرکز گه کوره، بو راکته «ام‌وی یورک تاون» تجاری کېمه تامانگه آتیلگن‌لیگی ممکن.
بو گزارش اساسیده، «ام‌وی یورک تاون» کېمه نینگ ۱۸ امریکالیک خدمه و تورت یونانلیک خدمه‌سی بولگن.
یمن پایتختی و اوشبو مملکت نینگ نفوسلی بیر قطار منطقه‌لری حوثی شبهنظامیلر تامانیدن نظارت اېتیله‌دی، نیچه آی دن بېری اسراییل نینگ غزه گه هجوملری طفیلی قیزیل دینگیز ده اسراییل گه عاید کېمه‌لر گه هجوم قیلیشنی باشله‌گن.
شبهنظامیلر هجوملری دوامیده، باشقه مملکتلر نینگ کېمه‌لرینی هم نشانگه آلماقده‌لر.
