هندوستان کېمه‌چیلیک کمپنیلریگه هند دېنگیزچیلرینی هرمز بۉغازیگه یوبارمسلیکنی بویوردی
هندوستان کېمه‌چیلیک باش باشقرمه‌سی کېمه اېگه‌لری، کېمه مدیرلری و ایشچی کوچینی آلووچی کمپنیلرگه کېینگی آگاهلنتیریشگچه هند دېنگیزچیلرینی هرمز بۉغازیگه یوباریشدن باش تارتیشلری حقیده کۉرسه‌تمه بېردی.
الجزیره ترماغی، پنجشنبه کونی، ۱۶ جولای، خبر بېریشیچه، هندوستان کېمه‌چیلیک باش باشقرمه‌سی اوشبو قرارنی ایران‌نینگ هرمز بۉغازی ایچیده و اونینگ اطرافیده‌گی ایکّی کېمه‌گه اویوشتیرگن هجوملریده ایکّی نفر هندوستانلیک دېنگیزچی جان بېرگنیدن سۉنگ قبول قیلگن.
خبرگه کۉره، اوشبو باشقرمه فارس کۉرفزی منطقه‌سیده‌گی خوفسیزلیک وضعیتی کېسکینلشگنینی انابتگه آلیب، منطقه‌ده فعالیت یوریته‌یاتگن کېمه‌لرده خدمت قیله‌یاتگن هند دېنگیزچیلری‌نینگ منفعتلرینی حمایه قیلیش اوچون قۉشیمچه احتیاط چاره‌لرینی کۉریشنی ضرور دېب بیلیشینی معلوم قیلگن.
بو شونده‌ی بیرحالده دیر که بیرلشگن ملتلر تشکیلاتی اۉتگن آی ۲۸-فبروریدن، یعنی امریکا و اسرائیل‌نینگ ایرانگه قرشی اوروشی باشلنگن وقتدن بویان هرمز بۉغازی ایچیده و اونینگ اطرافیده‌گی هجوملرده کمیده ۱۴ نفر دېنگیزچی جان بېرگنینی اعلان قیلگن.
