سنتکام: امریکا‌نینگ ایرانگه قرشی هجوملری‌نینگ سۉنگگی تۉلقینی یکونلندی
امریکا مرکزی قوماندانلیگی (سنتکام) امریکا‌نینگ ایرانگه قرشی عملگه آشیرگن هجوملری‌نینگ سۉنگگی تۉلقینی یکونلنگنینی معلوم قیلدی.
اوشبو قوماندانلیک پنج‌شنبه کونی، ۱۶-جولای، ایکس صحیفه‌سیده مذکور هجوملر امریکا‌نینگ شرقی وقتی بیلن اۉتگن آقشم یکونلنگنینی یازدی.
امریکا اوردوسی اوشبو هجوملر تۉلقینیده ایران‌نینگ قوماندانلیک مرکزلری، هوا مدافعه‌سی تیزیملری، راکت و درون قابلیتی همده ساحل کوزه‌توو انشااتلریگه ضربه بېریلگنینی بیلدیردی.
سنتکام اوشبو هجوملردن مقصد ایران‌نینگ هرمز بۉغازیده‌گی کېمه‌لر قتناویگه هجوم قیلیش امکانیتلرینی ضعیفلشتیریش اېکنینی معلوم قیلدی.
بو شونده‌ی بیرحالده دیر که فارس کۉرفزیده‌گی کېسکینلیک و حربی تۉقنه‌شوولر منطقه‌ده کېنگ کۉلملی اوروش النگه‌لنیشی باره‌سیده‌گی خواطرلرنی کوچه‌یتیرماقده.
