سنتکام ایرانده‌گی اۉنلب نشانلرگه اویوشتیریلگن هجوملر حقیده خبر بېردی
امریکا قۉشمه ایالتلری مرکزی قوماندانلیگی (سنتکام) ایرانده‌گی اۉنلب نشانلرگه قرشی ینگی هجوملر تۉلقینی یکونلنگنینی معلوم قیلدی.
سنتکام، دوشنبه کونی، ۱۳-جولای، ایکس صحیفه‌سیده ایران‌نینگ هرمز بۉغازی آرقه‌لی کېمه‌لرگه هجوم قیلیش صلاحیتینی کمه‌یتیریش مقصدیده مملکتده‌گی بیر نېچه ته مکانلر یوقاری انیقلیکده‌گی اۉق-دارولر بیلن نشانگه آلینگنینی یازدی.
قوماندانلیک‌نینگ بیلدیریشیچه، امریکا کوچلری ایلک بار قیرووچی اوچاقلر، حربی-دېنگیز کوچلری کېمه‌لری، بیر تمانلمه هجومچی درونلر و بیر تمانلمه دېنگیز هجومچی درونلریدن فایده‌لنگن حالده ایران‌نینگ حربی هوا مدافعه تیزیملری، قیرغاق رادار سایتلری، راکت و درون صلاحیتی همده کیچیک قایقلریگه ضربه بېرگن.
امریکا اوردوسی ایران خلق‌ارا سودا اوچون مهم دېنگیز یۉله‌گی حسابلنگن هرمز بۉغازینی نظارت قیله آلمه‌سلیگینی تأکیدله‌دی.
شو بیلن بیرگه، ایران و امریکا اۉرته‌سیده‌گی کېسکینلیک‌نینگ کوچه‌ییشی همده اوشبو بۉغاز اوستیده‌گی حربی تۉقنه‌شوو آرتیدن اعلان قیلینگن حساباتلرده مذکور دېنگیز یۉله‌گیدن تجارت کېمه‌لری حرکتی کېسکین کمه‌یگنی قید اېتیلگن.
