تورخم چېگره‌سیده طالبان جنگریلری و پاکستان اۉرته‌سیده تۉقنه‌شوو یوز بېردی
۸صبح، ننگرهار: محلی منبعلر‌نینگ اَیتیشیچه، طالبان جنگریلری و پاکستان حربیلری تورخم چېگره‌سیده اۉزارا تۉقنه‌شگن.
منبعلر چهارشنبه کونی، ۶ عقرب، ۸صبح گزېته‌سی بیلن صحبتده اوشبو تۉقنه‌شوو بوگون اېرته‌لبدن بېری ایکّی تامان اۉرته‌سیده وقتی-وقتی بیلن دوام اېته‌یاتگنینی معلوم قیلیشدی.
منبعلر‌نینگ اَیتیشیچه، تۉقنه‌شوو دوامیده ایکّی تامان هم یېنگیل و آغیر قوراللردن فایده‌لنگن. پاکستان کوچلری‌نینگ اۉق اوزیشی عاقبتیده پاکستاندن چیقریب یوباریلگن بیر باله و تورخم شهرچه‌سیده فعالیت یوریتووچی یاردم تشکیلاتی‌نینگ بیر خادیمی یره‌لنگن.
بوندن بیر کون آلدین هم طالبان و پاکستان حربیلری پکتیکا ولایتی‌نینگ برمل تومنیگه قره‌شلی انگور اده چېگره حدودیده اۉزارا تۉقنه‌شگن اېدی.
پاکستان رسمیلری‌نینگ اَیتیشیچه، اۉتگن آقشم یوز بېرگن تۉقنه‌شووده طالبان تامانیدن آتیلگن هاوان اۉقی جنوبی وزیرستانده‌گی تورر جایگه کېلیب توشگن. عاقبتده بیر نفر تینچ اهالی وکیلی جان بېرگن، ینه بېش نفری یره‌لنگن.
