منبعلر: طالبان قیزیل یریم آی تکت‌لرینی ساتیب آلیشگه هلمند اهالیسینی مجبورله‌ماقده
۸صبح، هلمند: محلی منبعلر‌نینگ اَیتیشیچه، طالبان هلمند ولایتیده اهالینی اوشبو گروه نظارتی آستیده‌گی قیزیل یریم آی تکت‌لرینی ساتیب آلیشگه مجبورله‌ماقده. بو جریان حتا نظارت-اۉتکزیش پوسته‌لریده، اویلر، اداره‌لر و ایش جایلریده هم دوام اېتتیریلماقده.
منبعلر چهارشنبه کونی، ۶ عقرب، ۸صبح گزېته‌سیگه بېرگن صحبتیده قیزیل یریم آی تکت‌لرینی ساتیب آلیش هفته‌لیگی یکونلنگنیگه قره‌مه‌ی، بو تکت‌لر هیلمندده همان اهالیگه تکلیف اېتیله‌یاتگنینی اَیتدیلر.
منبعلر‌نینگ سۉزلریگه کۉره، طالبان مسؤوللری تورلی ییغیلیشلرده اۉز آلدیلریگه قۉییلگن مقصدلرنی بجریش اوچون اهالیدن قیزیل یریم آی تکت‌لرینی ساتیب آلیشنی سۉره‌گنلر.
منبعلر قۉشیمچه قیلیشیچه، بو ییل طالبان افغانستان‌نینگ باشقه ولایتلریده هم اهالیدن اوشبو گروه نظارتیده‌گی قیزیل یریم آی تکت‌لرینی ساتیب آلیشنی و مذکور تشکیلاتگه مالیوی یاردم کۉرسه‌تیشنی سۉره‌گن.
شو بیلن بیرگه، مملکت‌نینگ اَیریم وطنداشلری اوشبو تشکیلات‌نینگ یاردم ترقه‌تیش جریانیده کېنگ ترقه‌لگن فساد موجودلیگی سببلی طالبان نظارتیده‌گی قیزیل یریم آی گه مالیوی یاردم بېریشگه راضی اېمسلیکلرینی اَیتماقده.
