جمعی خوفسیزلیک تشکیلاتی: بیز تروریسم و بنگی‌وار ماده‌لردن خالی افغانستاننی قۉللب-قوتله‌یمیز
۸صبح، کابل: جمعی خوفسیزلیک کېلیشوو تشکیلاتی نینگ باش کاتبی ایمانقلی تاسماگمبتوف و بیرلشگن ملتلر تشکیلاتی باش کاتبی نینگ مخصوص وکیلی رزا اوتونبایوا، افغانستان و منطقه وضعیتینی محاکمه قیلگنلر.
جمعی خوفسیزلیک کېلیشوو تشکیلاتی بیر بیانیه ترقه‌تیب، ایکّی تامان ۲۱ حمل، سه‌شنبه کونی مسکو ده اۉچره‌شگنینی معلوم قیلگن.
بیانیه اساسیده، جمعی خوفسیزلیک کېلیشوو تشکیلاتی گه اعضا مملکتلر تروریسم، اوروش و بنگی‌وار ماده‌لردن خالی افغانستاننی قۉللب-قوتله‌یدیلر.
بیانیه ده کېلیشیچه: «بو اۉچره‌شووده رزا اوتونبایوا افغانستان احوالی، منطقه ده صلح و ثبات برقرار اېتیلیشی اوچون بیرلشگن ملتلر تشکیلاتی نظارتیده خلق‌ارا یاردم‌لر و افغانستان نینگ قیته دن دنیا همجمعیت گه قوشیلیش مساله‌لرینی بحث گه آلگن.»
روسیه، بلاروس، قزاقستان، قرغیزستان و تاجیکستان جمعی خوفسیزلیک کېلیشوو تشکیلاتی گه اعضا مملکتلر دیر.
ایتیش کېره‌ک که بوندن آلدین مذکور تشکیلات گه اعضا مملکتلر طالبان حاکمیتیده افغانستان توپراغیدن مرکزی آسیا اولکه‌لری گه ترورچی گروه‌لر نینگ نفوذ قیلیشیدن آگاه‌لنتیرگن اېدیلر.
جمعی خوفسیزلیک کېلیشوو تشکیلات باش کاتبی ایمانقلی تاسماگمبتوف، بو تشکیلات افغانستان بیلن جنوبی چېگره‌لری خوفسیزلیگینی کوچه‌یتیریش طرحی اوستیگه ایش آلیب بارماقده‌لیگینی اېتگن اېدی.
بونگه قوشیمچه، روسیه خوفسیزلیک کینگش کاتبی نیکلای پاتروشف، افغانستانده ۲۳ مینگ شبه‌نظامی بیلن ۲۰ ترورچی تشکیلات نینگ حضوری بارلیگینی ادعا قیلگندی.
