جاپان افغانستان بیلن تاجیکستان چېگره‌سی باشقریلیش بودجه‌سینی تامینله‌یدی
تاجیکستان ده بیرلشگن ملتلر تشکیلاتی نینگ ترقیاتی دستوری گه کوره، جاپان دولتی خلق‌ارا همکارلیک آژانسی آرقه‌لی (جایکا) افغانستان بیلن تاجیکستان «چېگره‌سی باشقریلیش» لایحه بودجه‌سینی تامینله‌یدی.
مرکزی آسیا تایمز کونده‌لیگی ۲۰ دلو جمعه کیچه، ترقه‌تگن گزارشیده افغانستان دن تاجیکستان گه بنگی‌وار ماده‌لر قاچاقی آلدی آلینیشی و فرامرزی تجارت قولی‌لشتیریلیشی اوشبو لایحه غایه‌لریدن بیری بولگنینی اېتگن.
اوشبو گزارش اساسیده، «چېگره باشقریلیش» لایحه ۲۰۱۵ییل نینگ اوللریده یولگه قوییلگندی و ۲۰۲۵ ییل گه قدر دوام تاپیشی کوتیله‌دی.
بو لایحه باشلنیشیدن حاضرگه قدر ایکّی تامان «لنگر» ده ینگی تیکشیریش بیکت قورگن و«خمرو و شوگون» ده قدیمی تیکشیریش بیکت‌لرنی هم جهازلنتیرگنلر.
ایتیش کېره‌ک که منطقه مملکت‌لر اېنیقسه تاجیکستان هردایم طالبان حاکمیتیده افغانستان ده بنگی‌وار ماده‌لر قاچاقی و ترورچی گروه‌لر نینگ حضوری دن خواطر بیلدیرگن.
ینگی‌لیکده، تاجیکستان بنگی‌وار ماده‌لرنی کنترول قیلیش آژانسی ۱۶ دلو، دوشنبه کونی، اۉز گزارشی ده، افغانستانده بنگی‌وار ماده‌لر قاچاقی کمه‌یشی گه دایر طالبان نینگ ادعاسی بیلن، بنگی‌وار ماده‌لر قاچاقی کمه‌یشی سیزیلمه‌گنینی ایتگن.
بو گزارش اساسیده، افغانستانده یاشیرینچ لابراتوارلرده بنگی‌وار ماده‌لر ایشلب چیقریلیشی باشلنگن و بو ماده‌لر دستلب تاجیکستان گه قاچاق بولیب و کیېن اېسه باشقه مملکت‌لر گه آلیب باریله‌دی.
