امریکا و ایران اۉرته‌سیده‌گی اونملی مذاکره‌لر؛ امریکا هیأتی اسلام‌آباد یېتیب کېلدی
خلق‌ارا عامه‌وی اخبارات واسطه‌لری خبر بېریشیچه، امریکا هیأتی ایران بیلن مذاکره قیلیش و یقین شرقده‌گی حربی کېسکینلیکلرنی یکونلنتیریش اوچون اسلام‌آبادگه یېتیب کېلگن.
رویترز شنبه کونی، ۱۱- اپریل، خبر بېریشیچه، امریکا هیأتی امریکا قوشمه ایالتلری جمهور باشلیغی دونالد ترمپ‌نینگ اۉرین باسری جی‌دی ونس، ترمپ مخصوص وکیلی استیو ویتکاف و ترمپ کویاوی جرد کوشنردن عبارت بۉلیب، اسلام‌آبادگه کېلگن.
شو بیلن بیرگه، اېران هیأتی هم ایران پارلمانی‌نینگ باشلیغی محمد باقر قالیباف و اوشبو مملکت تشقی ایشلر وزیری سیدعباس عراقچی‌دن شامل بۉلیب، جمعه کونی کېچقورون اسلام‌آبادگه یېتیب کېلگن اېدی.
اوشبو یوقاری درجه‌ده‌گی مذاکره‌لر ایکّی تامان بیر-بیرینی اۉت آچیشنی تۉخته‌تیش کېلیشووینی بوزیشده عیبله‌یاتگن بیر پیتده اۉتکزیلماقده.
رویترز خبریگه کۉره، امریکا هیأتی هرمز بۉغازینی قَیته آچیش امکانیتی باره‌سیده شبهه قیلماقده، شو بیلن بیرگه ایران لبنان و چېکلاولر بۉییچه مجبوریتلرسیز حتا مذاکره‌لرنی باشلش هم ممکن اېمسلیگینی تأکیدله‌ماقده.
انیق اېمس که اوشبو طلبلر شنبه کونگی مذاکره‌لرنی موفقیتسیزلیککه آلیب کېله‌دیمی یاکه یۉق؛ بو مذاکره‌لر اۉتکزیلگن تقدیرده، ۱۹۷۹- ییلگی اسلام انقلابیدن بېری امریکا و ایران اۉرته‌سیده‌گی اېنگ یوقاری درجه‌ده‌گی اوچره‌شوو بۉله‌دی.
اسلام‌آبادده کوچه‌یتیریلگن خوفسیزلیک چاره‌لری کۉریلگن و پاکستان واسطه‌چیلیک رۉلینی اۉینه‌ب، اۉز نفوذینی مستحکملش همده بیر وقت نینگ اۉزیده برقرارلیکنی نمایش اېتیشگه امید قیلماقده.
