دونالد ترمپ: ایران بیلن اوروش «جوده تېز» یکونلنه‌دی
امریکا جمهور باشلیغی دونالد ترمپ، ایران بیلن اوروش جوده تېز آره‌ده یکونلنیشینی ایتدی.
الجزیره ترماغی چهارشنبه کونی، ۲۰ می، دونالد ترمپ بو گپلرنی آق اویده امریکالیک قانونچیلر حضوریده ایتگنینی خبر قیلدی.
ترمپ شونده‌ی دېگن: «اولر کېلیشووگه اېریشیشنی جوده قتّیق خواهله‌ماقده؛ بو وضعیتدن چرچه‌شگن.»
ترمپ، ینه قۉشیمچه قیلیشیچه، ایرانلیکلر هستوی مسأله‌نی اۉیله‌ماقده، اما امریکا اولرگه هستوی قورالگه اېگه بۉلیشگه یۉل قۉیمه‌یدی.
او ایران بیلن اوروش و هستوی مسأله‌نی تینچ یۉل بیلن یکونلشیگه امید بیلدیرگن.
ترمپ، اۉتگن کون امریکانینگ منطقه‌ده‌گی اتفاقچی دولتلری سۉراویگه بناءً ایرانگه قرشی رېجه‌لشتیریلگن حربی عملیات‌نی بېکار قیلگنینی ایتگن اېدی.
بو شونده‌ی بیر حالده دیر که یقینده ایران یېتکرمه‌لری تهران تامانیدن مذاکره‌لرنی دوام اېتتیریش اوچون واشنگتن‌گه ۱۴ بنددن عبارت تکلیف یوباریلگنی حقیده خبر بېردی.
