بدخشان آسمانیده اوچووچیسیز اوچاق نینگ اېلنیشی
۸صبح، بدخشان: بدخشان ده محلی منبعلر اوشبو ولایت نینگ آسمانیده اوچووچیسیز بیر اوچاق اېلنیشیدن خبر بیرهدیلر.
منبعلر ۸صبح کوندهلیگی گه ایتیشلرچه، اوشبو اوچاق ۱۲ حمل، یکشنبه کیچه ساعت ۱۲:۰۰ اطرافیده بدخشان آسمانیده قریب ۴۰ دقیقه اېلنگن.
اوشبو اوچاق قیسی مملکتدن افغانستان نینگ هوا حریمی گه کېرگنی حاضرگچه بیللی اېمس.
بدخشانده طالبان محلی مسووللری بوتوغریده حاضرگچه فکر-ملاحظه بیلدیرمهگن.
ایتیش کېرهک که سۉنگی کونلرده مملکت آسمانیده ناتانیش اوچووچیسیز اوچاقلر نینگ اېلنیشی کوپهیگن.
اۉتگن ایکّی هفته ایچیده پنجشیر، نیمروز و قندهار ولایتلری نینگ آسمانلری اوچووچیسیز اوچاقلر نینگ اېلنیش گواهی بولگن.
بو اوچاق قیسی مملکت گه منسوبلیگی بیللی بولمسه ده، بیراق طالبان سۉزلاوچیسی ذبیحالله مجاهد ۱۲ حمل، یکشنبه کونی مذکور اوچاقلر نینگ مملکت آسمانی گه اېلنیشی گه مناسبت بیلدیریب امریکا نی افغانستان هوا حریمینی نقض قیلیش گه عیبلهگن.
مجاهد نینگ کوپهیتیریشیچه: «بو اوچاقلر شبههسیز امریکا گه عاید دیر و یقین مملکتلردن افغانستان گه کېرهدی. برچه مملکتلر بوتوغریدهگی مسوولیتینی بیلیب و بو باسیم گه چېک قوییشلری کېرهک.»
عینحالده، نیچه کون آلدین امریکا تشقی ایشلر وزیرلیگی سۉزلاوچیسی متیو میلر، مملکتده امریکا قۉشمه ایالتلری نینگ اوچاقلری اوچیشی گه اشاره قیلیب، واشنگتن افغانستان و منطقه ده داعش تهدیدلریدن خواطردهلیگینی بیلدیرگن اېدی.