بدخشان ده قار کوچیشی اۉچ کیشی نینگ اۉلیمی گه ضامن بولدی
بدخشان ده طالبان محلی رسمی‌لری، اوشبو ولایت نینگ شهربزرگ تومنیده قار کوچیشی عاقبتیده اۉچ کیشی قربان بولگنیدن خبر بیرگنلر.
بدخشان ده طالبان امنیه قوماندان‌لیگی سۉزلاوچیسی احسان‌الله کامگار گه کوره، بو واقعه ۱۵ دلو، یک‌شنبه کونی اېرته‌لب شهربزرگ تومنی حدودلری گه قره‌شلی سنگ‌خواه قیشلاغیده یۉز بېرگن.
اوشبو واقعه ده اۉچ کیشی جان بیریب و باشقه ایکّی کیشی یره‌لنگن.
اونگه کوره، بو کیشیلر محل یشاوچیلری بۉلیب و جنازه مراسمی گه قتنه‌شیش اوچون باشقه قیشلاققه باریش پیتیده قار کوچیشی گه دوچ بولیشگن.
عین‌حالده بدخشان ده کوچلی قار یاغیشی طفیلی مرکز بیلن توقیز تومن نینگ قتناو یولی یاپیلگن.
بدخشان تاغلی ولایت‌لر دن بۉلیب و هردایم طبیعی آفت‌لر یشاوچیلر دن قربان‌لیک آلیب و مذکور ولایت اهالیسی گه آغیر مالی زیان ییتکیزگن.
