غزه ساغلیقنی سقلش وزیرلیگی: اۉت آچیشنی تۉخته‌تیش باشلنگنیدن بېری اسراییل هجوملریده مینگ نفردن آرتیق کیشی جان بېرگن
غزه ساغلیقنی سقلش وزیرلیگی معلوم قیلیشیچه، اۉت آچیشنی تۉخته‌تیش باشلنگنیدن بویان اسراییل کمیده ۱ مینگ ۲۳۰ کیشینی اۉلدیرگن و ینه ۴ مینگ ۷۶ کیشینی یره‌له‌گن.
الجزیره یک‌شنبه کونی، ۲ آگست، اوشبو معلومات اسراییل‌نینگ غزه‌گه هجوملری همان دوام اېته‌یاتگن بیر پیتده اعلان قیلینگنینی خبر بېردی.
حساباتگه کۉره، غزه ساغلیقنی سقلش وزیرلیگی سۉنگگی ۲۴ ساعت ایچیده اسراییل هجوملری عاقبتیده ۶ نفر فلسطینلیک جان بېرگنی و ینه ۲۳ کیشی یره‌لنگنینی معلوم قیلگن.
وزیرلیک‌نینگ قۉشیمچه قیلیشیچه، ایلگری هجوملرده آلگن جراحتلری عاقبتیده ینه بیر فلسطینلیک حیاتدن کۉز یومگن.
غزه ساغلیقنی سقلش وزیرلیگی، شونینگدېک، ۲۰۲۳-ییل اکتوبر آییده اوروش باشلنگنیدن بویان ۷۳ مینگ ۳۵۶ نفر فلسطینلیک جان بېرگنی و ینه ۱۷۴ مینگ ۱۸۵ کیشی یره‌لنگنینی بیلدیرگن.
