غزه ساغلیقنی سقلش وزیرلیگی: اسراییل بیلن آتیش-کېسین باشلنگنیدن بېری مینگ‌دن آرتیق فلسطینلیک جان بېرگن
غزه ساغلیقنی سقلش وزیرلیگی اسراییل بیلن آتیش-کېسین باشلنگنیدن بېری ۱ مینگ ۲۸۵ نفر فلسطینلیک جان بېرگنی و ینه ۴ مینگ ۲۵۲ کیشی یره‌لنگنینی اَیتماقده.
الجزیره شنبه کونی، ۲۲ آگست، خبر بېریشیچه، سۉنگگی ۴۸ ساعت ایچیده هم اسراییل‌نینگ غزه حدودیگه اویوشتیرگن هجوملریده کمیده ایکّی فلسطینلیک جان بېرگن و ینه تۉرت کیشی یره‌لنگن.
غزه ساغلیقنی سقلش وزیرلیگی بو شخصلر اسراییل‌نینگ سۉنگگی هجوملری دوامیده غزه‌نینگ تورلی حدودلریده جان بېرگنینی اَیتگن.
اوشبو وزیرلیک معلومات‌لریگه کۉره، ۲۰۲۳-ییل ۷-اکتوبردن حاضرگچه جمعی ۷۳ مینگ ۴۱۹ نفر فلسطینلیک اوروشده جان بېرگن و ۱۷۴ مینگ ۳۶۴ کیشی یره‌لنگن.
بو معلومات آتیش-کېسین اعلان قیلینگنیگه قره‌مه‌ی، اسراییل‌نینگ هجوملری و غزه‌ده‌گی تۉقنه‌شوولر همان دوام اېته‌یاتگن بیر پیتده اعلان قیلینماقده.
