گوترش مملکتلر‌نینگ قاچقینلرنی قۉللب-قوّتلش باره‌سیده‌گی مجبوریتلریگه اورغو بېردی
بیرلشگن ملتلر تشکیلاتی باش کاتبی آنتونیو گوترش، اوشبو تشکیلاتگه اعضا مملکتلردن قاچقینلرنی قۉللب-قوّتلش و قاچقینلر کنوانسیونی تمایللریگه رعایه قیلیش باره‌سیده‌گی اۉز مجبوریتلریگه صادق قالیشنی سۉره‌دی.
گوترش سه‌شنبه کونی، ۲۸ جولای، ایکس صحیفه‌سیده یازیشیچه، قاچقینلر کنوانسیونی ۷۵ ییل آلدین آدملرنی احتیاج‌نینگ اېنگ آغیر دَملریده حمایه قیلیش مقصدیده شکللنتیریلگن.
او بیرلشگن ملتلر تشکیلاتیگه اعضا مملکتلردن قاچقینلر کنوانسیون‌نینگ «متنی و روحیگه» بۉلگن مجبوریتلریگه صادق قالیشنی همده قاچقینلرنی قۉللب-قوّتلش اوچون کۉپراق سعی-حرکت قیلیشنی سۉره‌گن.
گوترش شونده‌ی دېگن: «اونینگ ییللیگینی نشانله‌یاتگن بیر پیتده، اونینگ موفقیتسیزلیگینی ینه تکرارلش خوفینی قبول قیلمسلیگیمیز کېره‌ک. مېن بیرلشگن ملتلر تشکیلاتیگه اعضا هر بیر مملکتنی کنوانسیون‌نینگ متنی و روحیگه بۉلگن اۉز مجبوریتینی ینگیلشگه چقیره‌من».
بمت باش کاتبی قاچقینلر بیلن بیردملیک و اولر‌نینگ حقوقلرینی حمایه قیلیش دنیا مملکتلری اۉرته‌سیده‌گی عمومی بورچ اېکنینی تأکیدله‌گن.
