هند بېش میلیون دالر قیمتیده‌گی واکسین‌لرنی طالبانگه تاپشیردی
۸صبح، کابل: طالبان نینگ ساغلیقنی سقلش وزیرلیگی، هند اوشبو گروهگه ساغلیقنی سقلش نینگ تورلی یۉنه‌لیشلری بۉییچه بېش میلیون دالر قیمتیده‌گی واکسین‌لر بیلن یاردم کۉرسه‌تگنینی معلوم قیلدی.
طالبان نینگ ساغلیقنی سقلش وزیری، نورجلال جلالی، ۳- جدی، چهارشنبه کونی، اۉتکزیلگن مطبوعات ییغینیده، هند اوشبو گروهگه ۵۰۰ مینگ دالر قیمتیده شفاخانه و تالاسمی بۉییچه مخصوص مرکز قوریشنی وعده قیلگنینی ایتدی.
اونینگ سۉزلریگه کۉره، هند سرطان کسللیکلرینی انیقلش اوچون اوچ میلیون دالر قیمتیده‌گی «رادیوتراپی» اسکونه‌لرینی هم تقدیم اېتگن.
بوندن تشقری، هند بیر میلیون دالر قیمتیده سرطانگه قرشی دارو-درمانلرنی طالبانگه تاپشیرگن.
طالبان ساغلیقنی سقلش وزیری، شونینگدېک، هند افغانستان بازارلریگه دارو واسطه‌لرینی صادر قیلیش بۉییچه هم وعده بېرگنینی تأکیدله‌دی.
جلالی اوشبو معلوماتلرنی دهلی شهریگه قیلگن سفری و هندساغلیقنی سقلش همده فراوانلیک وزیری بیلن اوچره‌شوویدن سۉنگ معلوم قیلدی.
