هند طالبان ساغلیقنی سقلش وزیرلیگیگه آلتی‌ته آمبولانسنی یاردم صفتیده بېردی
۸صبح، کابل: طالبان ساغلیقنی سقلش وزیرلیگی خبر قیلیشیچه، هند افغانستانگه آلتی ته آمبولانسنی یوبارگن.
مذکور وزیرلیک سۉزچیسی، شرافت زمان امرخیل، ۷- جدی، یکشنبه کونی معلوم قیلگنیچه، ا آمبولانس‌لر کېچه وزیرلیککه تاپشیریلگن.
اونینگ تأکیدلشیچه، آمبولانس‌لر زمانوی طبی جهازلر بیلن تأمینلنگن بۉلیب، بېمارلرنی تشیش و تېزکار طبی خدمت کۉرسه‌تیشده ثمره‌لی رۉل اۉینه‌یدی.
بو آره‌ده، طالبان تشقی ایشلر وزیری، امیرخان متقی دهلی سفری دوامیده هند افغانستانگه ۲۰ آمبولانسنی یاردم صفتیده بېریشینی بیلدیرگن اېدی.
شونینگدېک، یقینده هند تورلی ساغلیقنی سقلش ساحه‌لریده بېش میلیون دالر قیمتیده واکسین لرنی طالبانگه یېتکزیب بېرگن.
