کاکر: سۉنگی ایکّی ییل ایچیده ۱۶ افغان هجومچی پاکستان‌ده انتحاری هجوم بجرگن
۸صبح، کابل: پاکستان موقت حکومتی نینگ باش وزیری انوارالحق کاکر، طالبان افغانستانده قیته‌دن اۉز حاکمیتینی اۉرنتگندن بېری افغان هجومچیلری آرقلی بو مملکتده ۱۶ مرته انتحاری هجوم عملگه آشیریلگنینی ادعا قیلگن.
کاکر بو حقده‌گی اظهاراتلرینی ۲۶- قوس یک‌شنبه کونی انگلیس تیلیده نشر بۉله دیگن تلگراف کونده‌لیگیگه یازگن.
اونینگ ایتیشیچه، باشقه۱۶ افغان چېگره منطقه‌لریده پاکستانلیک حربیلر بیلن توقنشگنلر.
کاکرنینگ کۉپه‌یتیریشیچه: «هر وقت بو مساله‌لرنی طالبلر بیلن اۉرته‌گه قۉیگنیمیزده، اولر بیزلرگه ایچکریگه قره‌شیمیزنی توصیه قیله‌دیلر{عامللرنی پاکستان‌ده قیدیرسک}. نهایت بیزلر اولرنینگ توصیه‌لری بۉییچه قرار آلیب ایچکی ترتیباتلر قرارینی آله‌میز.»
بوندن تشقری انوارالحق کاکر، تهدید آستیگه بۉلگن مهاجرلر پاکستان‌دن چیقاریلیشی تۉغریسیده‌گی تشویش حقیده بو مقاله‌ده یازیشیچه، مملکتی صنعتچیلر، خبرنگارلر همده انسان حقوقلری بۉییچه فعاللرنی چیقارمه‌یدی؛ لېکن بو تۉغریده باشقه مملکتلرنینگ هم حمایتیگه احتیاج بار دېگن.
سۉنگی ایکّی ییل ایچیده طالبان و پاکستان مناسبتلری ایریم قیینچیلیکلر بیلن رۉپه ره بۉلیب کېلگن.
هر ایکّی تامان نینگ حربی کوچلری نېچه بار چېگره‌ده توقنشدیلر و شونینگدېک پاکستان هر دایم طالبلرنی ترورچی گروه‌لرنی کنترل اېته آلمه‌گنلیکده عیبلب کېله‌دی، لېکن طالبان بلند مرتبه‌لی رسمیلری پاکستان اۉزی «ناتوانلیک مدیریت سیزلیکنی» افغانستان بۉینیگه تشلمه‌سینلر دېب تیلگه آلگنلر.
