ایران ایکّی حربی مرکزی گه هجوم؛ اوچ عسکر و ایکّی هجومچی هلاک بولدی
ایران ایچکی ایشلر وزیرلیگی خوفسیزلیک اۉرین باسری مجید میر احمدی گه کوره، سیستان و بلوچستان ده «راسک» انتظامی کوچلر پایگاه‌سی و چابهار ده دینگیز کوچلری مرکزی گه قوراللی هجومچیلر نینگ بیر وقتده هجومی عاقبتیده، بو مملکت نینگ اوچ عسکری و ایکّی هجومچی هلاک بولگنلر.
بو هجوم ۳ اپریل، چهارشنبه کیچه یوز بیرگن.
احمدی گه کوره، مذکور مملکت نینگ انتظامی بیر عسکری و سپاه پاسدارن ایکّی اعضاسی، هجوم طفیلی قربان بولگنلر ارا شامل دیر.
ایران ایچکی ایشلر وزیرلیگی خوفسیزلیک اۉرین باسری نینگ کوپه‌یتیریشیچه: «اوچ مجاهد ییگیتی‌میز شهید بولدی و دستلبکی معلومات‌لر اساسیده، سپاه دن ایکّی عزیزیمیز و انتظامی عزیزلریمیزدن بیر کیشی شهید بولگنلر.»
ایران خوفسیزلیک اوشبو رسمی‌سی نینگ کوپه‌ییتریشیچه، خوفسیزلیک کوچلر نینگ هجومچیلر بیلن توقنشووی ده ایکّی هجومچی هلاک بولیب و اولر نینگ بیرقطاری یره‌لنگنلر.
احمدی نینگ بیاناتی اساسیده، هجومچیلر کمکی کوچ آلدینی آلیش اوچون «راسک» انتظامی پاسگاه یولینی ماین بیلن توسگنلر.
آنلاین عرشه آژانسی ایران اوشبو رسمی‌سیدن نقل قیلیب یازیشیچه، حاضرگچه راسک پایگاه‌سی و چابهار ده دینگیز مرکزی ده امنیتی کوچلر و هجومچیلر آره‌سیده همان اوروش دوام اېتماقده.
«جیش‌العدل» گروهی راسک پایگاه‌سیده‌گی هجوم مسوولیتینی تن آلگن.
بو گروه بیر بیانیه ترقه‌تیب مذکور حربی پایگاه نینگ کنترول قیلیشنی ادعا قیلگن.
ایتیش کېره‌ک سۉنگی کونلرده جیش‌العدل گروهی ایران حربی مرکزلری گه هجوم‌لرینی کوچه‌یتیرگن.
نیچه کون آلدین مذکور گروه نینگ سیستان و بلوچستان ده ایران پولیس پایگاه‌سیده‌گی هجومی عاقبتیده اوشبو مملکت نینگ چمه‌سی ۱۱ عسکری هلاک بولگن اېدیلر.
