کربی: امریکا، ایران و روسیه اۉرته‌سیده اسراییل‌گه قرشی همکارلیک‌نینگ کوچه‌یشیگه اشاره قیلدی
آق اوی ملی خوفسیزلیک کېنگشی نینگ سۉزلاوچیسی جان کربی، اسراییل‌گه قرشی ایران و روسیه نینگ همکارلیگی آشگنی خصوصیده بعضی بیر بېلگیلرگه اېریشیلگن دېدی.
کربی ۲۲-نوامبر چهارشنبه کونی، خبری بیر ییغینده امریکانینگ معلوماتلری واگنر گروهی روسیه دولتی نینگ بویروغی بیلن حزب الله یا ایران هوا دفاع قابلیتینی آشیریش اوچون تیارلیک کۉریشی حقیده ایریم بېلگیلرگه اېریشگن دېدی.
اونینگ قۉشیمچه قیلیشیچه، مسکو تهران بیلن حربی همکارلیکنی ینه – ده چوقورلشتیرماقده و اوکراین‌گه قرشی هوا هجوملرده قوللنیلگن «کامی کازه» پهپادلری اوچون کېنگ کۉلملی جهازلر بیلن تامینلنماقده.
قیزیل دېنگیزده اسراییل‌گه تېگیشلی کېمه اۉغیرله‌نیشی، غزه ده اوروش باشلنگندن بېری حوثیلرنینگ اسراییل موشکی هجومیدن کېین امریکا بو موضوعنی اۉرگنماقده دیر، یمن‌ده ایران حمایتیده بۉلگن حوثیلرنی ینه بیر بار ترورچیلیک گروه صفتیده نظرده توتماقچی دېدی کربی.
کربی، واشنگتن ایران نینگ روسیه‌گه بالستیک موشکلرنی یوبارگنی خصوصیده‌گی تدبیری اوچون خواطرده دېب قۉشیمچه قیلدی.
عین حالده، امریکا قۉشمه ایالتلری هردایم روسیه و ایران اۉرته‌سیده حربی علاقه‌لری ایسیب باریشیدن تشویش بیلدیریب کېلگن.
آلدینراق، ایران‌نی روسیه‌گه پهپادلرنی ساتگنلیکده عیبله‌گن اېدی.
