امریکا: افغان مهاجرلری خوفسیزلیگی بۉییچه اسلام آباد بیلن علاقه‌ده‌میز
۸صبح، کابل: امریکا قۉشمه ایالتلری نینگ تشقی ایشلر وزیرلیگی، امریکا قۉشمه ایالتلریگه آلیب چیقیله‌دېگن پاکستان‌ده یشاووچی افغانستانلیک مهاجرلر خوفسیزلیگی تامینله‌نیشی باره‌سیده اسلام آباد بیلن علاقه‌ده میز دېگن.
بو قبیل اظهاراتلرنی امریکا قۉشمه ایالتلری تشقی ایشلر وزیرلیگی نینگ سۉزلاوچیسی متیو میلر ۳۰- عقرب سه‌شنبه کېچقورون خبری بیر انجمنده تیلگه آلدی.
اونینگ سۉزلریگه کۉره، خوف آستیده بۉلگن احتیاجمند قاچقینلرنینگ خوفسیزلیگینی تامینلش ایکّی مملت نینگ فایده‌سیگه دیر.
میلر ینه بیر بار افغانستان قۉشنیلری اینیقسه پاکستان‌دن خوف آستیده بۉلگن مهاجرلرنی مملکتلریگه کیریش اوچون رخصت بېریشلرینی طلب قیلدی.
شونینگدېک امریکا قۉشمه ایالتلری نینگ تشقی ایشلر وزیرلیگی سۉزلاوچیسی بو مملکتلردن خلق ارا انسان‌پرورلیک یاردم تشکیلاتلر بیلن بیرگه‌لیکده افغانستانلیک قاچقینلرگه انسان‌پرورلیک یاردملر کۉرسه‌تیلیشی اوچون هماهنگلیک قیلیشنی سۉره‌گن.
طالبان افغانستان‌گه قیته‌دن اۉز حاکمیتینی اۉرنتگندن سۉنگ پاکستانده‌گی بیر قنچه افغانستانلیک مهاجرلر امریکا و اروپا مملکتلریگه آلیب چیقیلیش بۉییچه مهاجرتی دوسیه‌لری نتیجه‌سینی کوته‌دیلر.
خلق ارا تشکیلاتلر و انسان حقوقلری نهادلری نینگ باسیملریگه قره‌مه‌ی، پاکستان قانونی حجت‌سیز مهاجرلرنی اۉز مملکتیدن جبری چیقاریش لایحه‌سیدن هنوز هم آرتگه چېکینمه‌گن.
