پاکستان، امریکاگه کېته‌جک بیرمینگ ۱۵۰مهاجرنی چیقارمه‌یدی
۸صبح، کابل: پاکستان دولتی بو مملکت بلند مرتبه‌لی رسمیلریگه امریکا کېتیشنی کوتیب تورگن افغانستانلیک قاچقینلرنی اوشلب آلیب قیته‌دن افغانستان‌گه یوبارمسلیگینی سۉره‌گن.
ام‌بی، تی وی، ۱۴-عقرب یک‌شنبه کونی گزارش بېریشیچه، اوشبو قرار اساسیده امریکانینگ بشردوستانه ویزه‌سینی کوتیب تورگن بیرمینگ ۱۵۰ته افغانستانلیک مهاجر پاکستان‌دن چیقاریلمه‌یدیلر.
۱۲تاریخ ده بیر نسخه‌سی فرانسه خبرگزارلیگی اختیاریگه توشگن پاکستان تشقی ایشلر وزیرلیگی نینگ بو حقیده‌گی نامه‌سیده کیلیشیچه: «امریکا ایلچیسی نینگ اعلان قیلیشچه، افغانستانلیک بیرمینگ ۱۵۰ افغانستانلیک مهاجر کۉچیریلیب آلیب کېتیله‌دی.»
اوشبو نامه‌ده، پاکستانلیک بلند مرتبه‌لی رسمیلر بو خصوصده تیارلنگن رویخطدگی کیشیلرنی قۉلگه آلمسلیگی بیلدیریلگن.
پاکستان‌دن افغان مهاجرلرینی جبری چیقاریش جریانی باشلنگندن بیری امریکا قۉشمه ایالتلری نینگ تشقی ایشلر وزیرلیگی اۉتگن هفته چهار شنیه کونی رسمی اسلام آباددن امریکانینگ بشردوستانه ویزه‌سینی کوتیب تورگن افغانستانلیک قاچقینللرنی چیقارشدن واز کېچیشنی سۉره‌دی.
امریکا تشقی ایشلر وزیرلیگی سۉزلاوچیسی متیو میلر: «بیزلر افغانستان قۉشنیلری جمله‌دن پاکستاننی خلق ارا حمایتگه احتیاجی بۉلگن افغانلرنی خلق ارا تشکیلاتلرنینگ بشردوستانه همکارلیگیگه اېریشگونگه قدر شرایط یره‌تیشگه تشویق اېته‌میز دېگن اېدی.
عین حالده، بوندن آلدین راق انسان حقوقلری تشکیلاتی، امریکا، بریتانیا، آلمان و کاناداگه کۉچیریلیب کېتیلیشنی کوته‌یاتگن پاکستان‌ده استقامت قیلووچی افغانلرنینگ ویزه مدتی توگه‌شی بیلن اولر افغانستان‌گه قیتریلگن حالده، جدی خوفگه دوچار بۉله‌دیلر دېب خواطر بیلدیرگن اۉدی.
