متلی‌متلیک(Metle Metlik)، لبنان و عرب دنیاسیده‌گی عیاللر جنسی علاقه‌سی نینگ بیرینچی آنلاین بزه‌سی
آن‌ماری الحاگ - لورینت لی‌ژر
بو حکایه ایکّی عیال متخصص نینگ تشبثی حقیده دیر. اولر دن بیری متخصص قابله و باشقه بیری هیپنوتراپیست-سکسولوژیست دیر، عرب دنیاسیده‌گی عیاللرنی جنسی و حامله‌دارلیک سلامت‌لیگی مساله‌لری حقیده آگاهی‌لیک بیریش اوچون بیر گه بولگنلر. بو ایش اوچون دیجیتالی امن فضا ایجاد قیلیشگن.
اۉتگن ییل سپتامبر آی ده، سندرین عطاءالله و گئیل ابو غنام اسملی لبنان-فرانسه‌لیک ایکّی متخصص ۲۰۲۳ییل تدبیرکار عیال مکافاتینی قولگه کېریتدیلر. اولر بو عنوان نی «متلی‌متلیک» عنوانلی پروژه که عرب تیلی ده دیر معناسی «سین کبی» دیر قولگه کېریتیش گه اولگوردیلر.
اۉرته شرق بولیمی و بری‌تیک اېرته توغیلگن باله‌لرنی باغچه‌سی (Berytech) فرانکوفونی بیلیم یورت آژانسی (Agence Universitaire de la Francophonie)، ای لورینت لی‌ژر کونده‌لیگی یاردمی بیلن بیروت شهری ده اوشبو مکافات نی مذکور ایکّی شفاکار گه تقدیم اېتدیلر.
بو ایش‌دن تورت آی اۉتگچ، متلی‌متلیک آنلاین بزه‌سی حاضر عرب و انگلیس تیللریده اۉزینی اۉزی تامینلب شهرت قازانگن. بو بزه نینگ مقاله‌لر بیر بولیمی بار و تېکین شکلده قولگه کېریتیش ممکن. بو تېکین بولیمده عیاللر نینگ جنسی علاقه‌سی و اولر نینگ سلامت‌لیگی، حامله‌دارلیک، آندومتیوز یا که رحم، واژن قیینچیلیگی و عیاللر نینگ تېریکچیلیک و تنه‌سیده‌گی بونگه اوخشش نرسه‌لر گه عاید مطلب‌لر بار.
فرهنگی و مذهبی قاعده‌لر حاکمیتی
متلی‌متلیک بزه‌سی واژن نینگ اراده‌سیز آچیلیش قیینچیلیگی یا علمی اصطلاح‌سی «واژینیسموس» حقیده، پول عوضی گه بیر دوره اوقوو کورسینی یولگه قویگن. ۳۵ ویدیو دن عبارت و اوچ ساعت‌لیک اوشبو اوقوو کورسی مذکور ایکّی شفاکار عیال تامانیدن ثبت و ترقه‌تیلگن. بونگه قوشیمچه بو اوقوو کورسی یانیده مشق قیلیش اوسکونه‌لری هم موجود دیر.
داکتر سندرین و داکتر گئیل گه مشهور اوشبو شفاکارلر، کسللر بیلن اۉتکزگن مشق‌لریدن سۉنگ، باشلش نقطه‌سی اوله‌راق واژن یا «واژینیسموس» اراده‌سیز آچیلیشنی نظر گه آلیش نتیجه گه اېریشگن، چونکه مشق جریانیده بو قیینچیلیک عیاللر آره‌سیده کوپراق‌لیگینی سېزگنلر و بیر قنچه‌سی بو قیینچلیک آرتیده بولسه ده لېکن سۉره‌ش دن اویله‌دیلر.
واژن نینگ اراده‌سیز آچیلیشی اۉرته شرق منطقه‌سیده کوپ سېزیلگن معما دیر. بو منطقه نینگ قریب ۱۰ دن ۱۵ فایز عیاللری جنسی رابطه قوریش پیتیده بو معما طفیلی اذیت بوله‌دیلر. داکتر سندرین اوشبو قیینچیلیک خصوصیده بونده‌ی دیدی: «بو مسئله نینگ اصلی سببی آگاهی‌سیزلیک و فرهنگ و دینی حاکم قاعده‌لر دیر.» مقصدی‌میز جنسی علاقه‌لر، جنسی سلامت‌لیک و عیاللر نینگ حامله‌دارلیگی حقیده آگاهی‌لیک بیریب و ناتوغری ایشانچ‌لر گه چېک قویش دیر. داکتر گئیل نینگ کوپه‌یتیریشیچه: «اسلوبی‌میز ینگی دیر و پیام هم یوللـه‌یمیز، هم علی و هم قولی دیر.»
مذکور شفاکارلر نینگ ایتیشلریچه: «بو دستور سیناو نسخه‌‌سی دیر و محدود شکلده عملگه آشیریلماقده و عیاللر بو ایده دن قنده‌ی قوللنیش‌لرینی کوزه‌ته‌میز.» نوامبر آی دن حاضرگه قدر رېکلام یا که کمپاین قیلمسدن قریب ۵۰ عیال بو ویدیولر نینگ ساتیب آلگن. داکتر گئیل سۉزلری دوامیده ایتیشیچه: «بیرینچی اقدام مثبت نتیجه بیردی، بو عیاللر نینگ بیرقطاری جنسی تېریکچیلیک احواللرینی بیز بیلن شریک قیلگن.» بو باسقیچ ده کوپراق ۳۰ یاشر عیاللر قتنشگن و یریمی لبنان‌لیک عیاللر دیر و باشقه‌سی سعودی عربستان، کویت، مصر و سوریه‌لیک دیر.
اجتماعی ترماق‌لر یولدوزی
یایین‌لری یخشی‌لنیشی اوچون حاضر دن اقدام قیلیشگن. داکتر گئیل ابو غنام نینگ کوپه‌یتیریشیچه: «رشد قیلیش اوچون عیاللر نینگ نیازی بولگن موضوع‌لرنی تیارلش درکار.» فبروری آی ده بزه‌لریده«عیاللر تورموش قوریش دن آلدین بیلیشی کېره‌ک» و «بایوگا جنسی سلامت‌لیک» عنوانیده ینگی اوقوو کورسینی کوپه‌یتیریشگن. حاضرگچه اوشبو باسقیچ ویدیولرینی قریب ۳۰ عیال ساتیب آلگن.
جنسی تېریکچیلیک اساس‌لری حقیده باشقه اوقوو کورس‌لری اوستیگه ایش آلیب باریلماقده. داکتر سندرین عطاءالله نینگ کوپه‌یتیریشیچه: «بوندن کیېن توغیش و توغیش دن سۉنگ تیارلیگی اوستیگه ایشله‌یمیز، ینگی متخصص‌لر فیزیوتراپیست و سوت بیریش ده حصه قوشه‌دیلر. پیام صفتی آچیق بولیش اۉستیگه تاکید اېته‌میز.»
متلی‌متلیک بزه‌سی ایشانچی و شهرتی اوچون، بو ایکی عیال شفاکار قوشمه شهرت‌لری دن قوللنه‌دیلر. داکتر سندرین عطاءالله لبنان‌لیک بیرینچی سکسولوژیست و بیر فیمینیست پروپاقرس دیر. او ستاره اجتماعی ترماغی ده ترتیبلی طرزده ویدیویی دستوری‌لری ده حضور تاپه‌دی.
اونینگ تیک‌تاک ده قریب ۳.۷ میلیون کیشی اېزله‌یدی و بیر یریم میلیون کیشی هم اونی انستاگرام اجتماعی ترماغ ده اېزله‌یدیلر. داکتر سندرین اوشبو اجتماعی ترماق‌لرده جنسی علاقه، جنسی لذت، عیاللر نینگ خیال سوریشی و باشقه موردلر حقیده بحث اېته‌دی. بی‌پُشت‌لیک بوییچه متخصص خانم گئیل ابو غنام نینگ انستاگرام ده ۴۳۰۰۰ کیشی اېزله‌یدی. او اوشبو ترماق دن فایده‌لنیب جنسی علاقه، حامله‌دارلیک، کاندوم دن قنده‌ی قوللنیش و حامله‌دارلیکنی آلدینی آلیش حقیده قیسقه ویدیولر توزه‌تیب بحث اېته‌دی.
یالغیز نیچه آی ده ۱۲۰۰۰ اېزلاوچی
متلی‌متلیک و اوشبو بزه نینگ اجتماعی صحیفه‌لریدن فایده‌لنیش بیلن، بو ایکی شفاکار عیاللر گه عاید کوپ نرسه‌لرنی ییققن. توغیش دن آلیب، آی‌لیک کوریش، رحم، ایمچک سرطانی، یقینلش کسلی و ایدز سیناوی برچه‌سی شامل دیر. مذکور بزه گه عاید انستاگرام صحیفه‌سی آچیلیشیدن تورت آی اۉتگچ قریب ۱۲۰۰۰ اېزلاوچی تاپگن. داکتر گئیل نینگ ایتیشیچه: «بیزاوته‌لیکّه مانع بولیش اوچون ايزلاوچیلرنی احتیاط کارلیک بیلن قبول قیله‌میز.» داکتر سندرین حاضر اېزلاوچیلرنی تنلش اوچون احتیاط کارلیک بیلن عمل قیله‌دی چونکه اۉتمیش ده اجتماعی ترماق‌لرده بیزاوته‌لیک قربانی بولگن.
داکتر گئیل گه کوره: «برچه نینگ فایده‌لنیشی اوچون معلومات بیریله‌دی، آگاهی‌لیک بیریش، اۉرگه‌تیش و مصلحت بیریش وظیفه‌میز دیب اۉیله‌یمیز.» سۉزلری دوامیده ایتیشیچه: «کوپراق آگاهی‌لیک تاپیش گه علاقه‌مند عیاللر نی متلی‌متلیک مرکزی گه چقیره‌میز.»
شو بیلن بیرگه، سندرین عطاءالله و گئیل ابو غنام نینگ ایتیشلریچه «شاشیلماقده‌لر.» اولر قورگن بزه‌لری تېزلیک بیلن دنیا بویلب عرب عیاللری اوچون ستندرد مرکز گه اېلنیشنی اېسته‌یدیلر. بیراق ایریم معمالر طفیلی رواجلنیشی بیر آز سُست بولگن. اولر نینگ رواجلنیشی گه سبب بولگن بیرینچی توسیق، لبنان ده پول درآمد قیلیش اوچون تینچ و تېز وب‌سایت قوریش دیر. بو چېکلاو ۲۰۱۹ ییل ده بانکدارلیک سکتوری تامانیدن یره‌تیلگن مالی بحران‌لر دیر. تکنالوژینی کېنگه‌یتیریش اوچون قنچه‌لیک پول کېره‌ک بوندن اۉته‌میز! داکتر گئیل نینگ ایتیشیچه: «اوشبو لایحه اوچون فرانکوفونی بیلیم یورتی دن غالب بولگن سکیز مینگ دالرنی وب‌سایت قوریش گه صرفله‌گن‌میز که اپریل آی ده نهایی و یولگه قوییله‌دی. بو لایحه نینگ باشقه خره‌جت‌لری اوچون بودجه تاپیش آرتیدهمیز.»
باشقه نظر گه آلینه‌دیگن معمالردن بیری جنسی علاقه‌لر دیر. نه‌فقط عیاللر آنلاین بزه گه ایشانیش گه علاقه‌مند اېمس‌لر بلکه اجتماعی ترماق‌لرده بیر پایگاه گه جنسی علاقه‌لر باره‌سیده‌گی ریکلام گه ایشانیش مرکب و قیین دیر. داکتر سندرین نینگ ایتیشیچه: «سانسور بولمه‌یدیگن سۉز و عبارت تاپیش قیین دیر، چونکه آچیق بیان بوله‌دیگن هر قنده‌ی موضوع سانسور بوله‌دی.» بونگه قوشیمچه اورته شرق ده بو گَل آنلاین اوقوو دوره‌لری یولگه قوییلیشی عادی اېمس. داکتر سندرین عطاءالله گه کوره: «بو فرهنگ نی یولگه قوییب و باشقریش بیز گه عاید دیر.» بوتوغریده عرب متخصص‌لرینی چقیریب حصه قوشیش گه تکیف قیله‌میز.»
بو وظیفه بو ایکّی شفاکار اوچون آغیر دیر. داکتر گئیل ابو غنام بو مساله گه دایر ایتیشیچه: «ایشلریمیزنی یخشی و اساسی شکلده آلغه آلیب باریش اوچون، بعضی ایشلرنی باشقه‌لر گه تاپشیره‌میز.»
مذکور ایکّی شفاکار، فبروری آی ده دبی ده یولگه قوییلیشی ریجه‌لشتیریلگن «استارت‌آپ دیجیتال» کورگزمه‌سی گه اشتراک قیلیش‌لری کوتیله‌دی. اولر او ییرده احتمالی سرمایه یاتقیزووچیلر و تکنالوژی پیش‌کسوت‌لری بیلن اۉچره‌شوولری ممکن.
