متقی‌نینگ دیپلوماتلر و ایچکی یېتکرمه‌لرگه مراجعت قیلیب: پاکستانگه نسبتا مسوولیت بیلن مناسبتده بۉلینگ
۸صبح، کابل: طالبان تشقی ایشلر وزیری امیرخان متقی، اوشبو گروه نظارتی آستیده‌گی دیپلوماتلر ویېتکرمه‌لردن پاکستانگه نسبتا مسوولیت بیلن مناسبتده بۉلیشنی سۉره‌گن.
طالبان تشقی ایشلر وزیرلیگی شنبه کونی، ۵- ثور، متقی‌نینگ ویدیو بیاناتینی ترقه‌تگن.
متقی ایتیشیچه، طالبان و پاکستان اۉرته‌سیده چین نینگ اورومچی شهریده اۉتکزیلگن سۉنگگی مذاکره‌لر ایجابی نتیجه بېرگن.
او قۉشیمچه قیلیشیچه، قۉشنی دولتلرگه نسبتا مسوولیت بیلن مناسبتده بۉلیش و قوزغه‌تووچی حرکتلردن تییلیش کېره‌ک.
بو بیاناتلر اورومچی مذاکره‌لریدن سۉنگ طالبان و پاکستان اوردوسی اۉرته‌سیده‌گی حربی ترنگلیک کمه‌یگن بیر پیتده ینگره‌گن.
قید اېتیلیشیچه، طالبان و پاکستان اۉرته‌سیده‌گی ماجرا اوجیگه چیققن پیتده، طالبان نظارتیده‌گی ایچکی یېتکرمه‌لر اسلام‌آبادگه قرشی کېنگ کۉلملی ترغیبات باشله‌گن اېدی.
